GIDASIG sa Yaw-Yan Ardigma Cebu ang kabatan-unan sa pagkat-on og mixed martial arts alang sa himsog nga panglawas ug sa samang higayon alang sa pagdepensa sa kaugalingon.
Alang sa mga interesado, mahimong magparehistro sa training module nga gipasiugdahan sa Yaw-Yan Ardigma sa headquarters niini nga nahimutang sa 4th floor sa Coast Pacific Downtown Center atbang sa University of Cebu-main campus sa dalan Sanciangko.
Ang programa abli alang sa tanan hilabi na sa mga batan-on nga maoy kanunayng duol sa tentasyon sa paggamit og ginadiling drugas.
“Gusto nato nga malikay ang mga batan-on sa paggamit og illegal drugs pinaagi sa sports. Ang Yaw-Yan makatabang kanila aron malikayan ang drugs. Atoa ning pamaagi para makatabang sa government campaign batok sa illegal drugs,” pasabot ni Master Ekin.
Alang sa dugang mga impormasyon, mahimong motawag sa 0943-3084772. (ESL)