NAGKANAYON si national coach Yeng Guiao nga dili paigo ang kaduha sa usa ka semana nga praktis sa Gilas Pilipinas alang sa kampanya niini sa FIBA Basketball World Cup nga sugdan karong Agusto 31 sa China.
Gipasabot ni Guiao nga nagkinahanglan silang modugang og mga adlaw sa pag-ensayo aron hingpit nga masinati sa iyang mga magduduwa ang ilang gipraktisan ug mahimo kining solido isip usa ka puwersa.
“Medyo nararamdaman na namin yung pressure. We’re going to need more than twice-a-week to be able to take the players run the system by heart and instinctively, because that requires a lot of repetition and that requires a lot of time,” matod ni Guiao sa interbyu sa Spin.ph.
Gusto ni Guiao nga gikan karon, kaupat na sulod sa usa ka semana ang ilang praktis hangtod sa pagsugod sa kompetisyon.
“That’s the urgency right now. Masyadong madalang yung twice-a-week for such a big responsibility as representing the country in the World Cup. We’ll try to get at least two more days of practices kung kaya pa,” dugang ni Guiao.
Tinguha ni Guiao nga ang mga magduduwa sa Philippine Basketball Association (PBA) kansang team nanamilit og sayo sa PBA Commissioner’s Cup magtutok na og insakto sa ilang sestima.
“Magbabalik at magbabalik yung sistema nila sa mother teams nila. Yun ang sabi ko na parating hati. There’s always a divided focus in the minds of the players," dugang ni Guiao.
"Kaya sana nga maayos na at matapos na yung obligasyon nila sa mother teams so that they could focus.” (ESL)