SECTIONS
Sunday, August 25, 2019
SUPERBALITA CEBU

Panginabuhian alang sa mga purok sa Talisay

RESIDENTE sa unom ka mga sitio sa Barangay Tapul ang nakabenipisyo sa hog-raising nga panginabuhian nga gihatag sa kagamhanan sa Dakbayan sa Talisay, pinaagi sa City Agriculture.

Mga baka ug urban gardening, ang uban usab nga tinguha sa uban pang barangay.

Dugang panginabuhian na alang sa mga residente sa Barangay Tapul, usa sa bukirang barangay sa Dakbayan sa Talisay, ang gihatag kanila nga tagsa ka baboy sa matag unom ka purok.

Uban ang usa ka sako nga feeds, nahatag kini niadtong Miyerkules sa hapon, Hulyo 17, 2019.

Kini human nga usa ang Barangay Tapul sa unang nakahan-ay sa niaging tuig sa ilang purok system.

Ang saad nga tabang sa panginabuhian sa kagamhanan sa Dakbayan sa Talisay nakita sa ilang mga purok leaders nga mas makatabang kanila ang dugang babuyan.

Matud ni Jeza Bonsubre, technician sa organic division sa City Agriculture, ang purok ang mopuli sa tinguha nila nga mamahimong negosyo, ang uban aduna'y mopili nga bugasan.

Anaa usab buot nga mobuhi og baka, mga manukan ug uban pang livestock.

Dugang ni Bonsubre nga aduna'y ubang purok nga mas mopili og urban gardening, sama sa 40 ka purok sa Barangay Tabunok.

Apan sa dili pa kini mahatag, angay nga aduna'y proposal ug giandam nga buhaton o plano sa usa ka purok aron molungtad ang ilang gitinguha nga panginabuhi.

Una nga nahatagan ang unom ka purok sa Barangay Tapul.

"Usa sa requirement kinahanglan han-ay na ilang purok system, ug diha na naapil ang masabutan nila nga gusto nila nga livelihood. Ang purok affairs na ang mo-coordinate sa asa nga office sa Talisay City Government ma-fit ang gitinguha nila nga panginabuhian," pagpasabot ni Bonsubre sa Superbalita Cebu.

"Pareha sa Barangay Tapul, kay babuyan man ila, kay mao na sad ila naandan, so kita sa City agriculture ang mo-budget ug motabang nila," dugang ni Bonsubre.

Nigahin ang ilang buhatan og P97,000 alang sa maong proyekto diin apil niini alang sa seminar sa mga residente sa pagbuhi og baboy.

Ang City Agriculture mohimo sa ilang binulan nga pag-monitor. Ang mga baboy nga gihatag, tulo na ka bulan nga mga anay.

Kon manganak na kini, duha ka baktin ang ilang iuli sa City Agriculture Office, alang sa ubang benipisyaryo na usab, ug anaa na kanila ang pagpalambo pa sa ilang mga binuhing baboy.

Nitunol sa maong panginabuhian si Mayor Samsam Gullas uban si Konsehal Antonio Bacaltos ug ang hepe sa Talisay City Police Station. (Superbalita Cebu)

(Hulagway iya sa Talisay City Agriculture)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph