SECTIONS
Sunday, August 25, 2019
SUPERBALITA CEBU

Butane refill station sa Minglanilla gi-raid; P700T gamit nasakmit

CEBU.Mobalor sa P700,000 nga kantidad sa mga gamit alang sa pag-refill sa mga butane canisters ug uban pang mga gamit ang gironda sa Minglanilla Police Station. (Hulagway iya sa Minglanilla Police Station)

REFILL station sa butane gironda sa Minglanilla Police Station, Biyernes sa gabii, Hulyo 19.

Mobalor og P700,000 ang kantidad sa mga gamit alang sa pag-refill sa mga butane, canisters ug uban pa ang nasakmit sa kapulisan sa lungsod sa Minglanilla.

Human sa mga report gikan sa mga concerned citizen, nironda ang kapulisan sa sitio Lower Linao, Barangay Linao.

Naatlan pa sa mga pulis nga gipanguluhan ni Police Captain June Tabigo-on nga nag-refill sa mga butane canisters ang tulo ka mga trabahanti sud sa usa ka edipisyo.

Giila ang mga dinakpan nga sila si Elmer Salvado, 23, taga Barangay San Isidro, Syudad sa Talisay; Bergolen Albios, 23; ug Elmer Padayao, 28.

Ang duha parehong mga lumolupyo sa Barangay Maghaway, Syudad sa Talisay.

Matod sa Minglanilla police nga kapila ka higayon sila nga nakadawat og tawag kalabot sa ilegal nga kalihukan.

Human masuta sa ilang pagsusi, ilang gironda.

Nangasakmit ang 24 ka super tank Liquified Petroleum Gas (LPG), duha ka butane refilling machine, duha ka compressor tank, 1,392 ka butane canisters nga aduna nay sulod ug 2000 ka butane canister nga wa pay su’d ug digital nga timbangan.

Apan sa dihang gipangutana kon si kinsa ang tag-iya sa refilling station, tak-om ang baba sa mga dinakpan.

Giandam na ang kaso nga kalapasan sa Presidential Decree o PD 1865 sa pag-refill og butane. Usa sa gihingusgan sa kapulisan sa pag-operate ang batok sa mga refill station sa mga butane, nga giila sa balaud nga ilegal.Gibasol ang butane sa mga sunog.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph