SECTIONS
Sunday, August 25, 2019
SUPERBALITA CEBU

Daclan: Darna ni Jane de Leon magmalampuson kaha?

Ayg saba!

PILA na lay pagdagan sa buwan ug Disyembre na usab. Pasko na hapit mao nga daghan nang nangandam para sa umaabot nga MMFF 2019.

Kinsa na sab kahang mga artista ang may entry karong tuiga? Unsang klase nga mga pelikula kaha ang atong makita?

Sa atong nabalitaan adunay upat ka pelikula nga nakasulod na para sa umaabot MMFF 2019. Kini mao ang horror movie ni Kris Aquino ug Derek Ramsay nga “Kampon”, ang comedy movie nga “Momalland” ni Vice Ganda ug Anne Curtis, ang comedy fantasy nga “Unstapable” ni Vic Sotto ug Maine Mendoza ug ang drama movie ni Nadine Lustre ug Aga Muhlach nga “The Miracle in cell no. 7”.

Sa atong nahibaw-an ang pelikula nilang Coco Martin, Ai-ai de Las Alas ug Jennylyn Mercado ug movie ni Robin Padilla ug Judy Ann Santos-Agoncillo wala mapili isip entry sa maong festival.

Sige pa ug panawat ang festival ug mga entry kay sa September pa man sab ang deadline sa pag-submit. Sa pagkakaron paaboton na lang nato kon kinsa nga mga pelikula ang mahimong mokompleto sa walo karong nagsingabot na ang Disyembre. Ay’g saba!

Human ni Angel Locsin ug Liza Soberano nga parehong wala madayon sa pagka-Darna, may bag-o na silang napili para mahimong superhero.

Opisyal nang gi-anunsyo sa ABS-CBN ang bag-ong mahimong “Darna” nga si Jane De Leon. Ang manghud nga babaye ni Jericho Rosales sa teleseryeng “Halik” kon inyong nahinumdoman.

Kon wala usab ko masayop usa si Jane De Leon sa mga bida kauban ni Sue Ramirez sa pelikulang “The Debutante”.

Kon madayon man gyud kini ug wala nay mga disgrayang mahitabo, dakong break kini para sa young actress.

Apan daghan ang nakapangutana kon magmalampuson ba kaha ang pelikulang “Darna” ni Jane De Leon.

Wala pa bayay napamatud-an ang dalaga kon unsa kini ka-bankable, dili pareho nilang Angel Locsin ug Liza Soberano.

Daghan usab ang nakapangutana nga sa kadaghan sa nagpa-audtion sa maong papel, nganong si Jane man ang napili? Ay’g saba!

Professional kuno kaayo ang duha ka mga bida sa Zombie movie nga “Block Z” nga silang Joshua Garcia ug Julia Barretto.

Bisan pa man og may mga tsikang buwag na ang duha apan sa ilang mga guesting okay kaayo ang “Joshlia”.

Gani nahuman nila ang pelikula nga way aberyang nahitabo bisan ug may problema sila sa ilang relasyon.

Mao nga ang ending daghang nagduda kon unsa gyud ang tinood nga nahitabo sa ilang career? Hala tubaga Joshua ug Julia kon gimik ba lang tanan ug kon unsay real score na gyud ninyo? Ay’g saba!


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph