PNP Compac gidabdaban

TACURONG CITY -- Gisunog sa mga armadong grupo ang Police Compac (Community Police Action Center) alas 9 sa gabii niadtong Biyernes, Hulyo 19, sa probinsiya.

Sa taho gikan sa Sultan Kudarat Police Provincial Office, nasayran nga gisulod sa mga armadong grupo ang bag-ohay lang nga nahuman nga PNP Compac sa Sigbol, Lambayongug gidabdaban.

Sa dihang nakita sa mga armado nga nagdilaab na ang Compac, dali gilayon silang nisibat.

Maayong pagkaugdaw sa Compac sa pulis nga gama sa 90 porsiyento nga kahoy ug 10 porsiyento nga semento.

Gipamahayag ni Lambayong chief of police Captain Herman Luna nga wala pa hinuoy nagbantay nga pulis sa Compac gumikan kay bag-o lang kining nahuman.

Kahinumdoman nga mismong si Lambayong Mayor Ferdinand Agduma ang nagpatukod sa tulo ka PNP Compac sa mga dapit nga sagad agian sa mga dautang pundok.

Nagdugang na og puwersa ang militar ug kapulisan sa Lambayong aron palig-unon pa ang seguridad batok sa mga grupo nga tinguhang magsabwag og kasamok sa katawhan. (Edgar E. Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph