SECTIONS
Wednesday, August 21, 2019
SUPERBALITA DAVAO

Driver gidakop; tiil sa pulis gipaligsan?



KASONG Disobedience to Person of Authority ang atubangon nga kaso batok sa usa ka public utility jeepney driver dihang iyang naligsan ang tiil sa usa ka pulis.

Sa blotter sa Talomo Police Station, usa ka Police Corporal Arthur Abejaron ang misita sa driver nga si Bryan Lopez, 37, kay naghulat kini og pasahero sa kanto Ulas nga dunay pahibalo nga “No waiting, No parking”.

Dihang isyuhan na og Temporary Operating Permit (TOP) ang driver sa kalapasan, nagsige kini og atras uban sa pagsige og hangyo sa pulis nga sakop sa Traffic Group (TG).

Sa tantong atras sa driver, naligsan niini ang tiil sa pulis kinsa anaa sa iyang kilid nga miisyu og TOP.

Maayo na lang kay daling nakalikay ang pulis hinungdan nga gidakop siya ug gidala sa buhatan sa Talomo Police Station adlaw’ng Biyernes, Hulyo 19.

Ning kasamtangan, giandam na sa kapulisan sa Talomo PNP ang pormal nga pagpasaka og kaso batok nasampit nga driver. (Jeepy P. Compio)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph