SUPERBALITA DAVAO

Kabayo nagmaoy; namukbok



KRITIKAL ang kondisyon sa usa ka ulitawo nga gipaak ug gisipa-sipa sa iyang binuhing kabayo alas 4 sa hapon niadtong adlaw nga Biyernes, Hulyo 19.

Nahitabo ang insidente sa usa ka Barangay Basak sa Lebak, Sultan Kudarat.

Giila ang biktima nga si Reymart Celarta, 20, ug molupyo sa nahisgutang lugar.

Sumala sa pamilya sa biktima nga naglakaw ang biktima paingon sa ilang ulingan, guyod ang nahisgutang kabayo.

Apan sa wala masayri nga hinungdan, kalit lang misuki ang kabayo ug gipaak ug gisipa-sipa ang ulitawo.

Maayo na lang kay dunay mga silingan nga nakakita sa hitabo ug daling niresponde ug giluwas dayon ang biktima gikan sa naghuramentado nga kabayo.

Ang biktima nakaangkon og dakong samad sa tuong paa ug bukton, gawas pa sa daghang mga bun-og sa kalawasan hinungdan nga gihatud siya sa iyang pamilya ngadto sa Lebak District Hospital apan gibalhin dayon ngadto sa Cotabato Regional and Medical Center sa Cotabato City.

Padayon pang gipailawom sa obserbasyon ug pag-atiman ang biktima sulod sa balay tambalanan samtang gisulat ning balita.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph