ANG Japanese global apparel retailer nga Uniqlo nag-reopen sa mas dako ug lapad nilang branch diha sa SM Lanang Premier, Hulyo 19 ning tuiga.
Suma pa kini ang pinakadako sa Mindanao uban ang sukod nga 1,414-square-meter (sq.m.) area gikan sa kanhi 767 sq.m.
Suma pa ang mas lapad ug bag-ong shopping space mohatag sa konsumante niini sa bag-ong shopping experience, diin daghang display sad ang kapilian.
"Since we opened here two years ago in May 2017, we really see the potential and we appreciate it because we are seeing a lot of DavaoeƱos who are wearing Uniqlo Life wear," suma ni Uniqlo Philippines marketing head Camille Rose Pacis.
Kahinumduman nga ang Uniqlo nagbukas sa SM Lanang niadtong Mayo 26, 2017.
Nagbukas sab sila og branch sa SM City Davao niadtong Hunyo 2, 2017.
Una pa man ang reopening niadtong Biyernes, gihimo sab ang Styling Session uban si Miss Universe 2015 Pia Wurtzbach ug stylist nga si Bea Constantino niadtong Hulyo 17 sa Activity Center sa SM Lanang Premier.
Ang duha mipaambit sa kon unsa ang swak nga kombinasyon sa outfit, ug unsa ang mga available nga outfit-of-the day sa Uniqlo nga kapilian.
Mitambong sa session ang nagkadaiyang bisita, fashion students, media, bloggers, lakip na si Uniqlo chief operating officer Masayoshi Nakamura, nga mapasalamaton sa suporta sa mga Dabawenyo sa Uniqlo fashion.
Sa kasamtangan may upat ka branches ang Uniqlo sa Mindanao, duha sa Davao ug tag-usa sa General Santos ug Cagayan de Oro.
Sa pagkakaron, ang Uniqlo may 57 ka tindahan sa nasud, diin plano pa nilang magbukas og lain sa di pa mahuman ang tuig.