MAGSAYSAY, Davao del Sur -- “Pay-per-view” apan mihanyag og libreng patan-aw ang lokal nga gobyerno sa lugar hinungdan nga napuno ang gymnasium sa ilang lungsod sugod kagahapon sa buntag diin live nga nasaksihan ang away nila Senador Manny Pacquiao ug Keith Thurman.
Sumala ni Mayor Arthur Davin mas maayong mahatagan og hamugaway nga pagtan-aw ang ilang mga molupyo sanglit wala'y commercial break ang duwa.
Kini sab ang gipakitang suporta sa lokal nga gobyerno ngadto sa Pambansang Kamao Pacquiao ug usa sa mga senador sa katawhan sa lugar.
Gumikan niini, napuno sa mga tawo ang gymnasium kuyog ang kusog nga pagshagit sa matag kinumo nga buhian ni Pacquiao ngadto kang Thurman.