Magtiayon patay sa disgrasya

STA. CRUZ, Davao del Sur -- Dead on the spot ang magti-ayon samtang napulo ka pasahero ang naangol sa nahitabong disgrasya sa national highway sa Barangay Tagabuli, alas 9:30 sa buntag niadtong Sabado.

Ang nalambigit sa disgrasya mao ang usa ka pasaheroang dyip ug usa ka multicab.

Si Police Corporal Jessie Jul, ang traffic investigator sa Sta. Cruz Municipal Police Station, nag-ila sa managtiayon nga biktima nga sila si Francisco Jamboy Garay, 72-anyos, multicab driver ug asawa niini nga si Rosario Caubat Garay, 71-anyos, residente sa Barangay Pequeño, Davao City.

Nakaangkon og mga samad sa kalawasan sila Rosalen Beninarito, Janeth Anggit, Graciano Mangogtong, Michelle Ito, Marvin Pogoy, Anselmo Panal, Evelyn Liaong, Julieta Gultia ug Jissan Rose Palao.

Padayon nga nag-imbestiga ang kapulisan sa Sta. Cruz MPS sa maong hitabo.