Ulitawo nga gidagit gisulod og sako, gihagbong sa dalan



MIDSAYAP, North Cotabato -- Gihagbong ang usa ka ulitawo dihang gidagit sa wapa mailhing mga armadong lalaki luwan sa itom nga van sa Barangay Sadaan niadtong Sabado alas 8:00 sa gabii sa probinsiya sa Cotabato.

Giila ang biktima nga si Jake Omar Talusan, 20-anyos, crew sa usa ka fast food chain, ug molupyo sa Barangay Malingao, Midsayap.

Sa taho gikan sa kapulisan sa Midsayap nga usa ka itom nga van nga walay plaka ang dunay gihulog nga sako daplin sa kalsada.

Nadungog sa mga sibilyan nga dunay nangayog tabang ug sa diha nga ilang gi-abrihan ang sako ilang nadiskubrehan nga ang biktima diay ang sulod niini.

Gidala dayon ang ulitawo sa Amado Diaz Provincial Foundation Hospital sa Midsayap ug luwas na sa makuyaw nga kahimtang kinsa nakaangkon og daghan nga bun-og sa nagkadaiyang parte sa iyang lawas.

Kahinumdoman nga sakay ang ulitawo sa iyang motorsiklo gikan nagsambayan (nag-ampo) sa mosque sa Barangay Sadaan, niadtong miaging adlaw sa diha nga kalit siyang giatngan sa wala mailhing mga armadong lalaki ug gipugos sa pagpasakay sa itom nga van paingon sa Kidapawan City.

Possibleng naalaan lamang ang biktima sa mga midagit niini ug lahi ang ilang target hinungdan nga ila sab kining gibuhian.

Sa kasamtangan ang kapulisan sa Midsayap Cotabato ang padayon nga nag-imbestiga kalabutan sa maong hitabo.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph