MAWAB, Davao de Oro -- Anaa na sa luwas nga kahimtang ang usa ka pamilya human nahulog ang ilang gisakyan gikan 20 metros ang gilawmon sa pangpang sa Kilometro 66, Brgy. Tuburan, alas 9:15 kagahapon sa buntag.
Gimaneho ang Isuzu MUX sa amahan nga si Bryan Danila Manzo, 35-anyos, sales manager ug residente sa Barangay Bago Aplaya, Davao City.
Luwas na sab sa makuyaw nga kahimtang human nakahiagom og mga samad sa kalawasan ang asawa sa driver nga si Sheila Danila, 33, ug ang anak nila nga sila Shejan Danila, 10, ug Phon Danila, 8.
Base sa inisyal nga imbestigasyon nga nawad-an sa kontrol ang gimaneho nga sakyanan hinungdan nga nahug sila sa bung-aw sa likuong bahin sa dapit.
Padayon ang gihimong imbestigasyon sa kapulisan labot sa maong hitabo.