Pacquiao basin di makatunga sa SONA ni Digong

ADUNAY posibilidad nga dili makatambong ang bag-ong undisputed World Boxing Association (WBA) welterweight champion Manny Pacquiao sa State of the Nation Address (SONA) ni Presidente Rodrigo Duterte karong adlawa.

Naangol ang mata ni Pacquiao human sa away niini kang American Keith Thurman kagahapon sa Las Vegas, USA.

Matod pa nga natuloan og petroleum jelly ang mata ni Pacquiao.

“Mag-uusap pa kami ng doctor ko,” matod ni Pacquiao sa interbyu sa ABS-CBN.

Gawas sa isyu sa iyang mata, gitataw ni Pacquiao nga wala ra siya’y gibating lain.

“OK lang kundisyon ko, OK naman ang katawan ko... ‘yung mata ko lang. ‘Yung dating na-scratch. Napasukan ng vaseline,” pasabot sa Pambansang Kamao ng Pilipinas.

Midaog si Pacquiao sa away pinaagi sa split decision aron ilugon ang WBA welterweight super title ni Thurman.

Gipasabot ni Pacquiao nga nakasugat siya og saktong away batok kang Thurman.

“Naalala ko ‘yung Morales fight, Morales 1,” asoy sa 8-division world champion. “Kaya hindi ako nagkumpiyansa. Dahil malakas at mabigat rin (si Thurman). Hindi puwedeng i-underestime.” (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph