USA sa mga gipaabot nga labing maayong pelikula ning tuiga mao ang ‘Family History’ nga gibituonan ni Michael V. uban ni Dawn Zulueta ubos sa direksiyon mismo ni Michael V.
Usa kini ka pelikula nga puno sa pagtulun-an ug surprisa. Wala lang magtutok sa komedya apan ang nagkalainlaing hugna sa kinabuhi sa usa ka pamilya.
Ang ‘Family History’ moabli sa mga sinehan sa tibuok nasod karong Miyerkules, Hulyo 24.
Atol sa press conference niadtong Sabado, Hulyo 13, si Michael V nipasalig nga mas gipanindot kini nga istorya sa pamilya kon itande sa iyang sitcom sa GMA 7 matag Dominggo nga ‘Pepito Manaloto.’
“Iba ito, Talagang excited talaga ako..” matod ni Michael V., kinsa co-producer sa pelikula pinaagi sa iyang Mic Test Entertainment ug GMA Pictures.
Gawas nga ang pelikula iyang sinuwat, ubos sa iyang direksyon ug gibituonan mismo sa beterano ug multi-awarded nga actor/komedyante nga si Michael V., nganong kinahanglang nga kini tan-awon?
Mao kini ang unang pelikula ni Michael V. human sa napulo ka tuig diin siya mismo ang direktor ug aktor.
Unang pelikula sa iyang movie outfit ug una usab sa GMA Pictures human sa kanhi GMA Films.
Unang higayon usab silang Dawn Zulueta nga nagkauban sa pelikula.
Tungod niini, si Michael naneguro sa kalidad sa pelikula dili lang arte lakip sa mga pagtulun-an nga makuha sa matag karakter sa pelikula.
Giangkon ni Michael nga lisod ang iyang papel sa naasoy nga pelikula.
“Mahirap talaga pagsabayin ‘yung being an actor at the same time direktor but kinaya ko...” matod ni Michael V.
“Nakataya pa ang pera dito,” dason niya. (RRM)