SECTIONS
Monday, August 26, 2019
SUPERBALITA CEBU

Editoryal: Pacquiao gihapon!

Editorial cartoon by Ariel Itumay

PADAYONG mikulit og kasaysayan si Senador Manny Pacquiao sa natad sa boksing sa tibuok kalibotan human iyang gipukan na usab si Keith Thurman sa MGM Grand Garden Arena sa Las Vegas, Navada kagahapon, Dominggo, Hulyo 21. Sama sa gisilyohan na ni Manny ang garbo sa mga Pinoy nga labing banggiitang mangangaway sa ibabaw sa ring.

Sa iyang pangidaron nga 40 anyos na ug bisan dili na sama sa kalagsik ang iyang panglihuklihok kon itande sa miaging napullo ka tuig sa iyang karera apan, ang iyang mangtas sa kakusog sa kumo gikahadlokan gihapon sa tanang boksidor nga nakatilaw niini sama ni Thurman nga unang tagawtaw kaayo sa kahambog apan nalukapa na sa unang round pa lang.

Ang ulahing kadaugan ni Manny seguradong naghatag og laing dakong bentaha alang sa iyang pulitikanhong ambisyon. Dili ba kanunay nga nagtumaw ang ngan sa eight-division world champion nga paboritong mahimong kandidato sa pagka presidente sa nasod?

Dili layo ang kamatuoran tungod sa iyang pagkasikat o inila ug dunay talagsaong istorya sa kinabuhi gikan sa paglunang kalisod ngadto sa pagka multi-milyunaryo ug pastor sa kaugalingong grupo o relihiyusong sekta ug dakong negusyante. Maayong ituboy nga usa ka nasudnong bahandi ug emhemplo sa matuod nga Filipino.

Si Manny simbulo usab sa kahiusahan ug kalinaw nasod nga Pilipinhon. Matag away niya sa gawas nasod, makita nato ang tanan nakatutok sa telebisyon o namati sa radyo ug dungan sa pag-abiba bisan seguro ang mga rebeldeng komunista ug Moro magpundo atol sa away o Manny. Sagad usab walay natala nga krimen o alarma ang kapulisan.

Kinsa kahay mosunod ni Thurman? May mnagahas pa ba? Moretiro ba siya sa boksing? Motutok na lang kaha sa pulitika ug isip magsasangyaw? Si Manny lang gyud ang nasayod ning tanan. Saludo kami, Manny ikaw gihapon!


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph