SUPERBALITA CEBU

LTO 7 mopahigayon og halapad nga lahugay

MOPATUMAN ang Land Transportation Office (LTO) sa Central Visayas og halapad nga lahugay sa head of offices sa nagkadaiyang lungsod ug siyudad sa Central Visayas.

Si Regional Director Vic Caindec sa LTO-7 nagkanayon nga nadawat niya ang reshuffling order niadtong Sabado, Hulyo 20 sa buntag nga pinirmahan ni Assistant Secretary Edgar Galvante sa Department of Transportation (DOTr) kinsa maoy labaw sa LTO.

Lakip sa mga apektado mao si Atty. Vicente Gador Jr., kinsa nadestino sa Legal Section ug mao nay mahimong Tagbilaran City District Office head sa Bohol.

Samtang si Jubilee Dionson sa Tagbilaran maoy temporaryong modumala sa Carcar City District Office hulip ni Sande Rosendo Padriga kinsa nalabay ngadto sa La Libertad District Office.

Si Editha Soco sa La Libertad maoy moduma sa Camotes Island Extension Office.

Lakip sa mabalhin mao si Flordeliza Monceda sa Jagna District Office ngadto sa Tagbilaran City Licensing Extension Office ug si Cecile Patron sa Mandaue City Licensing Center maoy mapadpad ngadto sa Jagna.

Si Engr. Claro Lumagas ang assistant chief sa Carcar maoy modumala sa Mandaue City Licensing Center samtang si Alberta Janine Lawas sa Dumaguete City District Office ipadala ngadto sa Bais City District Office hulip ni Marliza Elesterio, kinsa madestino sa Bayawan City ilis ni Clarita Lilanny Singco nga maoy modumala sa Dumaguete City.

Ang chief of operation nga si Macario Getaruelas maoy mahimong hepe sa Bantayan Island Extension Office ug si Erwin Patalingjug maoy mohulip kang Getaruelas.

Ang mga division chief ug chief of office makakobra gihapon sa ilang representation and transportation allowance.

Ang pangulo sa LTO-7 nagkanayon nga sugod karong adlawa aduna nay mahitabong paglahugay sa mga hepe sa buhatan apan adunay tulo nga dili una mabalhin sanglit adunay pending nga audit investigation nga gipahigayon ang Commission on Audit ug audit team sa LTO 7 apan mahulipan ra gihapon sila inig kahuman sa audit sa kwarta.

Si Caindec nagkanayon nga usa ka pro-active management ang iyang gibuhat sanglit dili na siya mohuwat nga aduna pay dili maayong hitabo sa usa ka opisina og diha pa siya moaksyon.

Iyang gipadayag nga normal ra sa LTO 7 ang lahugay sa mga pangulo sa opisina aron malikayan nga makahimo og koneksyon ang head of office ngadto sa ilang mga kliyente aron malikayan ang posibleng iregularidad.

Gitug-an sa director sa LTO 7 nga adunay tulo ka rason nganong ibalhin ang usa ka hepe sa opisina, una mao ang performance, ikaduha ang feedback ug ikatulo ang neccessity.

Si Caindec niingon nga dili madungan og hulip ang tanang mga officer in-charge sa mga district office, licensing centers ug uban pang opisina ilawom sa LTO 7 sanglit kadtong problemado nga buhatan dili una tandugon ang ilang mga hepe aron makapanubag sila pananglit adunay mga bulilyaso sa ilang pagdumala.

Gibutyag sa labaw sa LTO 7 nga wala pa siya nahuman paglimpyo sa mga kawani sa land transportation nga adunay mga kahiwian nga gihimo ug na-entrap sa National Bureau of Investigation (NBI).


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph