SUPERBALITA CEBU

Tulo ka drug dens gironda, 19 nasikop

MOABOT sa 19 ka drug personalities ang nasikop sa mga sakop sa Philippine Drug Enforcement Agency sa tulo ka managlahing anti drug operations sa dakbanay sa Sugbo ug misakmit sa P230,000 nga gituohang shabu.

Tulo usab ka drug dens ang ilang nabungkag kagabii Hulyo 21 inabagan sa mga barangay officials sa ilang lugar.

Nianang 6:30 sa gabii ang PDEA7 inabagan sa Station 10 sa Cebu City Police Office, Regional Special Operations Group 7 ug Provincial Intelligence Branch milusad og buy bust operation sa barangay Quiot, siyudad sa Sugbo nga mi resulta sa pagkaguba sa suyopanan ug pagkasikop sa usa ka Raymart Montemor alyas Kaypong nga maoy target da buy bust operation.

Nasikop sab silang Josepiro P. Cabido, alias Piro ug Irene Barquin Cabido nga maoy drug den maintainers ug laing upat pa nga drug den visitors nga silang Jay V. Ypila, Veronico B. Lausa Jr., Jeffrey S. Ramirez ug Rene Badayos Lausa.

Nakuha kanila ang 18 ka paketeng shabu nga motimbang ang tanan sa 12 grams nga mobalor sa P81,600 ug mga kwarta lakip na drug paraphernalia.

Sa laing operation, ang mga operatiba mironda sa laing drug den sa dan A. Lopez barangay Labangon nga miresulta sa pagka sikop ni Augustine Taboada ug laing unom ka mga tawo nga naatlan sa sud sa drug den.

Ang mga nangadakpan mao silang Riez Jergen, Eric Nunez, Renaldo Pitos, Ariel Valiente, Nicasio Mapalo Jr. ug Alexis Borbon.

Katapusang drug den nga girumbo sa Sitio Cogon, barangay Labangon nga miresulta sa pagkadakop nilang Robert P. Entera giingong drug den maintainer ug subject sa buy bust samtang ang mga drug den visitors mao silang Kenny Lohis C. Sanchez, Justine Fernandez, alyas Atin, Jerry C. Pagador ug Felix E. Lupian lakip nga gisikop.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph