SECTIONS
Wednesday, September 18, 2019
SUPERBALITA DAVAO

Iring-iring ni Gerald ug Julia, sakpan?; Bea wa kaantus, miyawit og 'enough!'



NAGTRENDING ang ngalan nila Bea Alonzo, Gerald Anderson ug Julia Barretto.

Kini may kalabutan sa giingong paglu-ib ni Gerald kang Bea ug nakig-iring-iring kang Julia.

Si Gerald ug Julia nagka-uban sa movie nga "Between Maybes."

Samtang si Gerald ug Bea on and off ang relasyon.

Usa ka netizen nga may handle name nga @cabrera.kathbealove sa Instagram ang nagpost og photos nila Gerald ug Julia.

Suma sa maong netizen, kuha ang photo sa giingong party nga gitambungan sa duha.

Niya, dihang pabiya ang duha padung sa parking area, sweet kini ug misud silang duha sa usa ka sakyanan.

Kung nag-unsa sila sa sulod, aww kamo nay conclude ha!

Anyway, balik sa isyu, human mibutho ang hitabo, nagpost sab og cryptic message sa Instagram si Bea.

""You can’t make the same mistake twice, the second time you make it, it’s not a mistake anymore, it’s a choice” ENOUGH," ni Bea.

May pahabol pa siyang, “Something I learned about people, If they do it once they'll do it again."

Sa pagguwa sa intriga, nag-iyahay og atang ang netizens sa ginagmay'ng kasaw sa ilang idolo.

Sama na lamang sa paglike ni Joshua Garcia, ex ni Julia sa post ni Bea, samtang si Bea naglike sa post sa netizen nga nagshare sa photo ni Julia ug Gerald.

Memes

Sa isyung gikalambigitan sa tulo, abtik sab kaayong nanggawas ang memes nga ginama sa mga hinog kaayo'g utok nga mga fans.

Sama na lamang sa photo ni Bea with Julia nga very cute pa uban ang caption nga, “Malay mo bata pala yung aahas sayo.” Diba daug?

Anaa sab ang “choice of shampoo” ni Gerald.

Wa pay komento ang matag kampo sa maong isyu.

Di na bag-o

Pila na ka artista ang nalambigit sa isyung third party mao nga nagkabuwag sa tagsa-tagsa nila ka partners.

Pila na sab ka dram nga luha ang mi-agas gikan sa mga nahurt og bongga kay gilu-iban sa pinalangga.

Ning kaso sa tulo, paabot ra ta's taman-taman, unsa na sab kahay irason ani nila.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph