GIPADAYAG sa anak ni Manny Pacquiao nga si Jimuel nga iyang suportahan ang bisan unsa nga desisyon sa iyang amahan apan nanghinaot siya nga moretiro na sa boksing ang gitawag og Pambansang Kamao ng Pilipinas.
“For me he can actually stop na. I mean he’s 40 and he has nothing to prove. He’s already a legend in boxing. But I’ll support him in whatever he does, whatever his choice is,” matod ni Jimuel sa interbyu sa Unang Balita sa GMA News kagahapon.
Sa dili pa lang dugay, si Jimuel nagsugod na’g ensayo alang sa iyang pangandoy nga mahimong bantugang boksidor sama sa iyang amahan.
Gipasabot ni Jimuel nga nadasig siya’g samot dihang midaog pinaagi sa split decision si Pacquiao batok kang American Keith Thurman niadtong Dominggo sa Las Vegas, USA.
“Na-inspire ako. Parang exciting. Ganito pala ‘yung atmosphere, ‘yung feeling to be nasa ganitong fight,” matod ni Jimuel, kinsa midaog pinaagi sa knockout sa labing una niyang away isip amateur boxer niadtong Abril. (ESL)