SECTIONS
Friday, September 20, 2019
SUPERBALITA CEBU

Mongaya: Cayetano ang Speaker

Panahom

SA SUNOD lindog na kita makatuki kabahin sa State of the Nation Address (Sona) ni Presidente Rodrigo Roa Duterte kay di na man makaabot sa deadline. Apan, atong nasuta nga nakaangkon og 266 ka boto si Taguig City Rep. Alan Peter Cayetano.

Siya na karon ang opisyal nga House Speaker sa 18th Congress.

Basi sa atong nasayran sa sayo pa, tipik kini si usa ka kasabutan nga giuyonan sa mga kongresista nga nagsuporta kang Presidente Duterte. Giuyonan sab kini sa presidente.

Atong nasabtan nga human sa 15 ka buwan, mo-ilis sab dayon si Rep. Lord Allan Velasco sa Marinduque ug siya ang molingkod isip House Speaker sulod sa 21 ka buwan.

Laing kandidato alang sa pagka Speaker mao si Leyte Rep. Martin Romualdez ug siya na karon ang Majority Floor leader.

Ang maong kasabutan namugna aron di mabungkag ang dakong mayorya nga pro-administration diha sa Kongreso. Nagpakita na kini sa supermajority nga suporta kang Presidente Duterte gikan sa Lower House.

Term Limits

Naa lang koy nabalak-an sa magtumaw karon ni House Speaker Cayetano. Mao kini ang iyang giduso nga mag-uswag sa term limits sa mga magbabalaod.

Lalim bay, kon maghisgot og charter change kon kausaban sa Batakang Balaod, unang hisgutanan mao na dayon ang pag-irog sa termino sa mga tawo nga mopanday niini? Una nilang hisgutan mao ang ilang personal nga interes nga magpabilin sa poder?

Kon atong mahinumdoman, ang nakatotyo sa mga paninguha nga usbon ang Batakang Balaod ubos sa mga miaging presidente mao kining pag-usab sa term limits sa mga magbabalaod. Kay nganong ang unang hisgutan mao man dayon ang personal nga interes nila? Di pwede nga unahon ang mga kaayuhan alang sa katawhan?

Tungod niini, makaingon ko nga sama lang og gilubog na daan ni Speaker Cayetano ang hisgutanan sa charter change.

Hinuon, posible sab gyud nga mausab ang baruganan sa bag-ong House Speaker. Hinaut.

Paquiao

Lig-on gyud og tuhod, nawong, ug bodega ang Amerikanong boksidor nga si Keith Thurman nga nakigharong kang Senador Manny Pacquaio sa miaging Dominggo didto sa Last Vegas.

Lalim bay natumba na sa sayong round, nasunggo, ug nikulo dihang naigo sa tiyan kini si Thurman. Tingale kay batan-on pa, apan nakalahutay gyud siya ngadto sa ika-12 nga round.

Dayon, imbes unanimous desisyon, nahimo kining split desisyon kay usa ka huwes nipadaog kang Thurman. Na hala. Sigi na lang. Daog man gihapon. @anol_cebu sa Twitter


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph