SECTIONS
Saturday, August 24, 2019
SUPERBALITA CEBU

Nalzaro: Nganong nausab ang baruganan?

Saksi

AMBOT og nganong nausab man ang baruganan ni Presidential Assistant for the Visayas Michael Dino kabahin sa Bus Rapid Transit (BRT). Ang BRT dugay nang gisugdan ni kanhi mayor Tomas Osmena. Si Osmena ug Dino naila nga nagkasungi personal. Dako gyud’ng supak si Dino sa BRT kay dili kini angay nga sagupon sa dakbayan isip mass transport gumikan sa kahagip-ot sa atong kadalanan.

Gibana-banang mokabat ngadto sa P16.9 bilyones ang magasto sa kagamhanan sa maong proyekto. Unya loan kini nga pagabayaran sa mga magbubuhis sa dakbayan. Dili ang BRT maoy sulbad sa nagka-grabe nga problema sa trapiko dinhi sa siyudad, matod pa ni Dino.

Ang BRT dugay nang gipatuman sa ubang kanasuran. Didto kini magsugod sa Brazil niadtong 1970’s pa. Successful sa ubang kanasuran apan pakyas usab sa uban. Apan karon pa kita nag-debati kabahin niini. Sa unang plano ni Osmena, anha kini magsugod ug magsubay gikan sa Bulacao, N. Bacalso Ave., Osmena Blvd., Escario ug dayon pa-ingon sa Banilad og Talamban.

Puwerte gyung supak ni Dino kay gusto niya ang Light Rail Transit (LRT). Gani misuwat man siya ni Presidente Rodrigo Duterte nga ipa-review ang loan application sa BRT ug ang programa niini. Matod niya nga ang LRT maoy tukmang solusyon sa problema sa trapiko ug dili na dako og gasto kay dili naman kinahanglan ang road widening sa mga maagian sa LRT. Ang BRT nagkinahanglan ang road widening og dako kinig gasto kay paliton pa man ang nga luna gikan sa mga pribadong tawo nga maigo sa road widening.

Pero karong bag-o, gipahibalo naman ni Dino nga uyon na siya sa BRT. Pero iya lang usbon ang rota aron minus ang magasto. Adto na magsugod sa South Road Properties (SRP) aron dili na moagi ug mapalapdan ang N. Bacalso Ave., dayon Osmena Blvd, Escario st., ug kutob lang sa I.T Park.

Unya ang Escario dili paladpan? Mao ra gihapon ang problema kay maghuot man dagan sa trapiko. Siguro na-usab ang baruganan ni Dino gumikan kay mismo ang Presidente mi-aprobar naman sa maong proyekto. (bobbygnalzaro@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph