SECTIONS
Monday, August 26, 2019
SUPERBALITA CEBU

No relocation, no demolition - Labella

CEBU City Mayor Edgardo Labella mopatuman sa “no relocation no demolition” alang sa mga manindahay nga nahimutang sa Carbon Complex.

Gumikan niini, si Market Administrator Jonil Matuguina ni-andam na sa relocation site nga nahimutang duol ra usab sa dalan M.L. Quezon diin nahimutang ang kapin sa 200 ka stalls naglumbay sa kalsada.

Nasayran sa Market Office nga kapin sa 100 ka vendors ang ma-relocate sanglit ang lugar nga gitagana para sa pagtinda wala kini gamita inay gihimo kining bodega sa ilang baligya-on.

Karong buntag, ang Market Operation Division, Prevention Restoration Order Beautification Enhancement (Probe) lakip na usab ang personnel sa Department of Public Services mobutang og graba aron dili molapok ang lugar panahon sa ting-uwan.

Sa niaging mga adlaw, ilang gihawanan ang maong dapit gikan sa mga illegal structure aron sa paghatag og agianan sa kapin 100 ka vendors para dili sila mawagtangan og panginabuhian.

Sa sayo pa, ang mga buhatan nilimpyo sa mga illegal structure sa dalan M.L. Quezon apan wala pa nila tandoga ang 200 ka vendors kay wa pay lugar kabalhinan.

Posible ugmang adlawa, ipatuman na ang clearing operation sanglit ang buhatan ni Matuguina nahuman na sa pakigpulong sa mga vendors sanglit ang katuyoan ni Labella nga subling magamit ang maong kalsada ilabi na niadtong mangumpra nga magdala og sakyanan.

Ang M.L. Quezon usa ka sementadong karsada nga nanukad sa Plaza Independencia paingon sa barangay Ermita lahos sa dalan Escaño lapos sa dakong unibersidad sa maong area.

Si Konsehal Joel Garganera nagkanayon nga mahapsay na unya ang maong dapit hilabi na nga nibalik na ang mga opisyal sa Ermita pinangulohan ni Kapitan Mark Miral ug unom ka konsehal human sa usa ka tuig nga pagkasuspenso. (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph