SUPERBALITA CEBU

Kurakot sagpaa: Duterte

SELFIE: Pipila sa mga kongresista sa Sugbo nag-selfie uban sa bag-ong napili nga House Speaker nga si Alan Peter Cayetano (kinawalahan) sama nila ni Rep. Emmarie Ouano-Dizon sa 6th district, Janice Salimbangon sa 4th district ug Pablo John Garcia sa 3rd district kagahapon, Lunes, Hulyo 23. (Facebook page ni Rep. Emmarie Dizon)

NIABOT sa kapin usa ka oras ang State of the Nation Address (SONA) 2019 ni Presidente Rodrigo Duterte nga gipahigayon sa House of Representatives kagahapon, Lunes, Hulyo 22.

Gisugdan kini alas 5:15 sa hapon diin una niyang gipasigarbo ang halapad nga kadaugan sa mga kandidato sa iyang partido sa milabayng piniliay.

Sunod niini, gihisgutan sa Presidente ang kabahin sa kurapsyon, terorismo ug ilegal nga drogas sa nasud.

Sa iyang kalagot sa mga kurakot, si Duterte nimando nga sagpaon kini ug maghimo eksena sa opisina aron moabot sa iayng atensiyon

Matod sa Presidente, pabilin pa gihapon ang problema sa ilegal nga drugas sa nasud kini bisan pa man sa duguon nga drugwar sa administrasyon.

Gipahimug-atan sa Presidente ang problema sa kurapsyon nga may koneksyon usab sa ilegal nga drugas.

Matod sa Presidente, dili mapuhag ang ilegal nga drugas sa nasud kung pabilin usab ang kurapsyon.

Gipadayag usab sa Presidente ang seryuso nga lakang sa administrasyon batok sa mga local communist.

Gani, niadtong Marawi Siege, sobra sa 2,000 ka sundawo ug kapulisan ang nakalas madepensahan lang ang lugar batok sa mga terorista.

Niini, gitutokan niya karon ang usa ka National Task Force batok sa mga komunista.

Gipalanog usab sa Presidente ang iyang pagmando sa kongreso nga ibalik ang Death Penalty batok sa mga bug-at kaayo nga krimen sama sa ilegal nga drugas, plunder ug uban pa.

Wa usab pasipyata sa Presidente ang paghisgot sa massive fraud sa Philhealth diin iyang gipadayag ang iyang kasagmuyo.

Gidayeg usab sa Presidente ang National Bureau of Investigation (NBI) sa pagtaral ug pag prosecute sa mga kriminal.

Midugang si Duterte nga niabot usab sa 100 ka appointed officials ang iyang gipalagpot gumikan sa kurapsyon.

Gipasigarbo ni Duterte ang P61 billion nga koleksyon sa mga Government-owned and controlled corporations diin P16 billion niini gikan sa PAGCOR.

Ang Bureau of Customs nga bisan sa mantsa sa kurapsyon, nakakolekta usab og P585 billion.

Wa makaikyas ni Duterte ang lima ka ahensya sa gobyerno nga gikinahanglan pa ang pag improbar sa serbisyo nga mao ang LTO, SSS, BIR, LRA ug Pag-ibig.

Kini nga mga ahensya ang sagad ireklamo sa hotline nga 8888.

Giawhag naman ni Duterte ang publiko nga mag eskandalo o sagpaon ang mga opsiyal o empleyado sa gobyerno nga maningil og sobra sa dapat bayaran.

Gisiguro sa Presidente nga 24 oras nga abli ang palasyo basta bahin na sa kurapsyon ang hisgutan.

Gipasigarbo usab sa Presidente ang oag rehabilitate sa Boracay Island ug Manila Bay.

Gipahibawo usab niya ang pagsud sa ikatulo nga Telecommunications company sa nasud.

Gisiguro sa Presidente nga wa kini kurapsyon ug dapat mo sunod gyod sa tanan requirements sa gobyerno ang nagdumala ug dapat tumanon ang paspas ug dekalidad nga serbisyo.

Giatagaan usab og pagtagad sa Presidente ang edukasyon sama nalang sa 823 out of school youth ug adult learners nga maka avail sa non-formal education ubos sa Alternative Learning System (ALS).

Gitagaan usab og pagtagad sa Presidente ang benipisyo alang sa mga Solo Parent, Barangay Health Workers ug expansion sa Malasakit Center.

Gianunsyo usab sa Presidente ang pag postpone sa Barangay ug SK elections gikan sa plano nga Mayo 2020 ngadto sa Oktubre 2022.

Para sa mga problema sa mga Overseae Filipino Workers gitutokan usab sa Presidente ang pagtukod sa Department of Overseas Filipino.

Gihisgutan usab sa Presidente ang init nga isyu sa West Philippine Sea.

Matod sa Presidente, dili siya andam sa posibleng resulta kung ugaling mo sukol og giyera ang Pilipinas.

Dugang sa Presidente nga usa sa dako nga problema sa pakig-ilog sa WPS kay gawas nga giangkon, naka posisyon na usab ang China.

Apan iyang gisiguro nga iya gyod sa Pilipinas ang WPS ug iyang gipahimug-atan ang Arbitrary Ruling nga pwede mohimo og fishing agreement ang Pilipinas sa laing nasud.

“Our ownership of West Philippine Sea is internationally recognized” matod sa Presidente.

Gipadayag usab sa Presidente ang 6 million nga pinoy nga gihaw-as gikan sa kalisud.

Gipadali usab niya ang pagpapasar sa Trabaho Bill para sa mga job opportunities sa mga Pilipino.

Wa usab niya kalimti ang Salary Standardization Law nga maghatag og dugang sweldo sa mga magtutudlo ug nurses.

Dugang sa kahapsay ug kalinaw, nagplano usab ang Presidente nga dapat alas 12 sa kadlawon sirado na ang mga balay kalingawan sama sa mga clubs.

Gihiagutan usab sa Presidente ang Disaster Preparedness lakip na ang pag awhag sa kongreso sa pagpasar og Fire Protection Program.

Gihisgutan usab ang National Land Use Act alang sa mga investors ug pag develop sa mga rural areas.

Ang mga Mayor gimandoan nga dapat mahatag na nila sa mga negusyante ang mga rekisitos sa pagkuha og permits, mga clearances ug ubang dokumento sud sa tulo ka adlaw.

Dili gusto si Duterte nga pabalikbalikon pa ang mga aplikante kay diay duna pay dugang rekisitos gawas lang kung dunay exceptional reasons.

Nakita sa Presidente nga dinhi magsugod ang pagpangwarta.

Subli nga gihagit sa Presidente ang kapulisan ug kasundalohan nga kung di man siya suportahan sa iyang programa dapat sultihan siya kay andam siya mo resign.

Matod usab sa Presidente nga P3.5 billion per day ang nawala tungod sa grabeng trapik sa Metro Manila.

Busa ang MMDA ug lokal nga kagamhanan gimandoan nga mohimo og aksyon sa grabeng traffic.

Midepens naman ang Presidente batok sa mga kritiko niining pag appoint og mga former military generals sa iyang gabinite.

Matod sa Presidente, dali masugo ug mo tuman ang mga military men.

Gihisgutan usab sa Presidente ang kalisud sa mga coconut farmers karon diin duna karon P100 million nga Coco Levy Fund nga wa pa niya makupti.

Gani nagplano siya nga ideposito nalang kini sa bangko.

Niini, wa usab palabya sa Presidente ang serbisyo sa Landbank of the Philippines iyang gipahimangnoan nga bisitahon ang mga mag uuma ug tabangan sa mga panginahanglan.

Dugang sa Presidente nga dapat sa una pa matapos ang Hulyo nakadawat na siya og proposal sa Landbank.

Kung di kini mahimo, mandoan niya ang kongreso nga i-abolish ang maong bangko.

Gihisgutan usab sa Presidente ang National Defense Act ug Pension for Retired PNP and AFP personnel.

Gipalanog usab sa Presidente ang iyang suporta sa subling pagbuhi sa Mandatory ROTC alang sa grades 11 ug 12.

Panapos nga mensahe ni Duterte ang iyang tumong sa paglingkod isip Presidente nga mahatagan og komportable, malinawon ug hapsay nga pagpuyo ang mga Pilipino sa nasud.

Hingpit natapos ang SONA 2019 alas 6:48 sa gabie diin suma total niabot sa 37 ka pakpak ang naangkon sa Presidente sa iyang SONA.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph