ANAA sa 90 porsyento sa mga pampublikong sakyanan o pasaheroan ang dili makapasar sa emission testing, hinungdan gamay lamang sa mga PUJ ang mga nangadakpan ug namultahan.
Gibutyag ni Engr. Armen Cuenca, ulo sa City Local Environment and Natural Resources Office (Clenro), nga mosibat ug dili mobiyahe ang mga drayber panahon nga sila magpahigayon og emission test sa nagkadaiyang dapit sa siyudad.
"Sila ang pinakadako nga prosyento sa mga nakalapas, violators kay according sa ilang chairman sa transport sector federation, 90 percent kumpirmado ni. Ninety percent sa ilang mga sakop dili gyud mopasar sa emission testing," matud ni Cuenca.
Gidugang pa nga dili na makalusot ang mga drayber ilabi na nga dili kini susama kaniadto nga kausa lamang mangdakop sa usa ka bulan ug tunga lang sa adlaw apan karon kada adlaw na gawas lang sa Lunes.
"So karon, ang Clenro is every day except Monday kay ang Monday is calibration sa among machine so Tuesday to Friday kung moingon sila magpahuway sila so pahuway sila for one week," dugang pa.
Nasayran nga nagpahigayon og serbisyo caravan sa Divisoria niadtong Lunes diin libre ang emission testing ug walay dakop ug pahimangnoan lamang ilabi na kung dili mopasar ang sakyanan.