Gobernador gipatubag sa DILG

GIPADALHAN og notice sa Department of the Interior and Local Government (DILG)-Northern Mindanao si Misamis Oriental Governor Bambi Emano pinaagi sa provincial administrator ug gipatubag sulod sa lima ka adlaw nganong langan ang pag-release sa midyear bonus alang sa casual ug regular nga empleyado sa Kapitolyo probinsyal.

Kini ang gibutyag ni Atty. Neil Pacana, legal officer sa Kapitolyo Probinsyal, atol sa interbyu sa SunStar Superbalita Cagayan de Oro ug miingon nga ang sulat nadawat mga usa o duha na ka semana ang nilabay.

Matud ni Pacana nga pipila ka mga empleyado nagpadala og letter of complaint ngadto sa buhatan sa DILG, hinungdan ila kining giaksyunan pinaagi sa notice pagpahimangno ngadto kang Emano nga dili na kini langanon sa pag-release.

Dugang ni Pacana nga basi sa 2017-02 Joint Circular nga kinahanglan i-release ang midyear bonus not earlier sa May 15 apan dili sab molapas sa Hunyo 30.

"In fairness sa Office of the Governor, nireply pod dayon sila sa reason nganong wala na release. It says the accounting office didn't finish yet the number of employees nga mahatagan kay there was rotation kay naay nagretired, naay bag-ong na regular, so mao wala pa nahuman ang proseso sa empleyado. Ang accounting ang naay kulang," pagkumpirma ni Pacana.

Gituldokan sab niini ang isyu nga gigamit ang pundo sa eleksyon.

"The budget was signify already that there was a fund because the midyear bonus is not coming from national funds. It's coming from local funds. It is not politically motivated," matud ni Pacana.

Dugang ni Pacana, isip legal officer, siya mismo niabiso nga kinahanglan sab kining ma release sa labing daling panahon.

"Of course, akong legal opinion ang law nga applicable kay this is 2017-02 joint memorandum circular of DILG, DBM, CSC though wala gispecify ang period to dispose pero ang ingon not earlier than May 15 and later than June 30 but naa didto gibutang sa last part nga the chief executive shall follow the memorandum," dugang pasabot niini ug niingon nga gitawag kining midyear kay tunga-tunga sa bulan.

Dugang ni Pacana nga ang accounting office sa pagpangulo ni Accountant Marilou Rivera ang bulan pa sa Nobiyembre ang wala sa buhatan kay anaa gawas sa nasod nga gitouhang moretiro na usab.

Pasabot sab ni Pacana nga daghan sab gikonsidera sama na lamang sa wala pagpakita Emano human sa pagpanaw sa amahan niini nga si kanhi mayor Dongkoy Emano taliwala mamirma lang kini og mga papeles.

Sa bag-ong kalamboan, gipaabot niini nga nagsulti si Emano nga i-release ang midyear bonus kagahapong adlawa dungan sa State of the Nation Address (Sona) ni Presidente Rodrigo Duterte o kon dili karon ra nga semana.

Sa pagsulat ning balita, wala sab sa iyang buhatan si Emano kay anaa sa kaulohan mitambong sa Sona.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph