SECTIONS
Wednesday, August 21, 2019
SUPERBALITA CAGAYAN DE ORO

Kapin 10 mil nga upos sa sigarilyo nahipos sulod sa 1 ka oras



MOKABAT sa kapin 10 mil ka mga upos sa sigarilyo ang nahipos sa City Local Environment and Natural Resources Office (Clenro) atol sa plogging niadtong Biyernes sa hapon sa dalan Capistrano, Velez, siyudad sa Cagayan de Oro.

Gipahigayon sa Clenro ang pagpamunit og upos matag una ug ikatulong Biyernes sa bulan.

Sa pakighinabi sa SunStar Superbalita kang Engr. Armen Cuenca, tsirman sa Clenro, nga makita gyud kung unsa ka daghan ang mga basura ilabi na ang mga upos sa sigarilyo nga ipanglabay lang sa mga gapanigarilyo sa pampublikong dapit.

"10,317 cigarette butts, one hour lang na, makita gyud unsa kadaghan ang mga sigarilyo nga ipanglabay lang sa atong mga kaigsoonan," matud ni Cuenca.

Gidugang pa niini nga ang upos sa sigarilyo usa sa mga basura nga pinakadugay malata ug makadaot kini diha kadagatan.

"Ang sigarilyo usa sa mga basura nga pinakadugay malata, then kung maanod siya paingon sa atong kanal nga barado na daan kung molusot man gale siya, molahos na pud sa atong suba ug sa atong dagat nga makadaot sa atong marine life," dugang pa.

Nanawagan usab kini sa mga pribadong sektor ug organisasyon nga magtinabangay aron namahimong limpyo ang dakbayan.

Ang plogging ginapahigayon sa tanang empleyado sa Clenro matag una ug ikatulong Biyernes sa bulan dayong pauli.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph