SECTIONS
Monday, September 16, 2019
SUPERBALITA CEBU

3 napatay sa buy bust

DUHA ang patay diha-diha samtang usa ang dead on arrival sa tambalanan human sa giingong pinusilay tali sa mga durugista ug kapulisan luyo sa usa ka dakong tindahan sa Zuellig St., North Reclamation Area, Barangay Subangdaku, Siyudad sa Mandaue, pasado alas 3 sa Martes sa hapon, Hulyo 23, 2019.

Matod ni Police Colonel Jonathan Abella, officer-in-charge sa Mandaue City Police Office, nga ang iyang mga sakop sa City Intelligence Branch (CIB) ang nakaengkwentro sa gikatahapang mga durugista.

Sila nilusad og buy bust operation batok sa mga suspek, apan sa dihang nakabantay nga pulis ang ilang gika-transact, giingong namusil.

Sa pagsuwat ning taho, si Prince Jem Mapalo, 21, ang nailhan pa sa tulo ka mga suspek.

Ang iyang pamilya mao ang niila kaniya.

Siya ang drayber sa type van multicab nga adunay plate number 090101, color grey.

Si Police Regional Office (PRO) 7 Director Police Brigadier General Debold Sinas niadto dayon sa dapit human pahibaw-a sa iyang mga sakop.

Gibana-bana nga moabot ngadto sa 11 kilos sa gituohang shabu ang nasakmit sa kapulisan nga mobalor og P74,800,000.

Gipangsud kini sa dakong tea bag. Nakakuha usab ang mga sakop sa Scene of the Crime Operation (Soco) og tag-as nga mga kalibre sa armas sama sa KG9 submachine pistol nga dunay magazine nga banana type sa sulod sa mini van, apil na ang .357 caliber Frontier revolver ug usa ka kalibre 45. nga pistola.

Ang amahan ni Mapalo, taga dan A. Lopez, Barangay Labangon, Siyudad sa Sugbo, naghilak nga nibutho sa crime scene.

Matod niya nga nananghid kaniya ang iyang anak nga mo-deliver og itlog. Wa siya magtuo nga naapil ang iyang anak sa tulo nga namatay.

“Nananghid na nako nga molakaw kay mag-deliver daw siyag itlog. Nakadungog ko nga naay gipamusil diri mao to nianhi ko diri. Sus, ako man ning anak diay,” matod sa amahan nga wa magpaila.

Way trabaho ang iyang anak niini, apan mo-deliver kinig itlog kon adunay mo order.

Gipanid-an

Gikompirmar ni Abella nga kapin sa usa ka buwan ang pag surveillance nila sa mga suspek human milutaw ang ngalan ni Mapalo sa mga dakop sa siyudad sa Mandaue.

“Moabot og buwan kapin ang among surveillance ani base sa giingon sa akong intelligence officer. Nya base sa mga dakop diri sa MCPO, nahibaw-an nga ang source Cebu City mao to sa mga follow-up, naka transact sila ni Mapalo,” matod ni Abella.

Ni-order ang usa sa mga pulis nga nagsilbing kustomer og usa ka kilong shabu.

Mag-abot sila sa North Reclamation Area alas 3:30 sa hapon.

Apan sa dihang padulong na nga itunol sa mga suspek ang usa ka dakong putos sa usa ka kilong shabu, kalit lang nga ang usa niini nga naa sa front seat nipusil sa pulis.

Dinhi na nagsugod ang pinusilay sa duha ka mga habig, matod ni Abella.

Niresulta kini sa kamatayon sa duha diha-diha dayon samtang ang usa gidali pagdala sa tambalanan apan patay na kining nadangat.

Way naangol sa mga pulis.

Di pa makatug-an si Abella kon unsa nga drug group nasakop ang mga napatay.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph