MALAMPUSONG nitapos sa duha-ka-adlaw nga pagbansay ang dili mominos 15 ka opisyal ug mga tag-oya gikan sa mga hotel, resort ug balay-abtanan sa amihanang Sugbo alang sa pagmugna og polisiya sa pagprotiher sa kabataan dili pa lang dugay.
Ang mga partisipante gihatagan og panahon sa pagtuki aron makamugna og kinaugalingong mga polisiya may kalambigitan sa pagpalipod ug kasegurahan sa mga bata nga mosulod sa lang estabilisemento.
Ang maong pagbansay gihangop usab sa mga partisiante sanglit nabuka ang ilang mga mata sa dakong peligro nga gition ngadto sa mga bata uban sa pagdagsang sa mga dumoduong mugna sa pagkusog sa turismo dinhi sa atong lokalidad.
Ang Children’s Legal Bureau (CLB) kusganong niduso niini subay sa iyang adbokasiya nga palig-unon pa ang mga polisiya sa pagpanalipod sa kabataan.
Kini aron maiway ang mga bata gikan sa mga yawan-ong tinguha sa mg langyaw o hamtong pinaagi sa mga pagpangabusong sekswal.
Ang linghod ug dabong pa kaayo nga pangidaron nagbutang sa kabataan sa peligrosong sitwasyon gikan sa mga pagpangabuso.
Importante kaayo nga magbaton oug tamdaman o child protection policy ang usa ka establisemento nga moakomodar sa mga dumoduong sanglit, nagkakusog ang industriya sa turismo sa Sugbo.
Sa kasamtangan, walay tataw nga polisiya o tamdanan nga gisubay ang matag establisemento labot sa proteksyon sa mga bata.
Gipahimug-atan sa mga opisyal sa CLB nga sa pagkakaron andam ug tagana sa paghatag og pagtagad sa mga hangyo sa mga establisemento nga nagkinahanglan sa ilang abag sa pag-umol og child protection policy nga walay fee o bayad.