GIBALIK-BALIK ni Presidente Rodrigo Duterte atol sa iyang State of the Nation Address (Sona) niadtong Lunes, Hulyo 22, sa Batasang Pambansa nga malaumon siya nga unta mawagtang na ang korapsyon sa nasud.
“Kung hindi lang ma-kurap, marami tayong pera.”
Kini ang tipik sa iyang pahayag ug miingon nga ang kwarta sa nasud kun dili ma-kurap, mapunta kini sa panginahanglan sa mga kabus sama sa pagkaon, problema sa ospital, housing, relokasyon, dugang trabaho ug uban pa.
“Let me ask you. When will corruption end? Kailan ba talaga ‘to? Hanggang kailan? Well, I don’t know. I’ve been in -- with government for almost 35 years now. I am not singling out myself. It’s the entire gamot of our system. Corruption exasperates. It frustrates. It is also exasperating that there are times when I think that perhaps it is blood that we need to cleanse and rinse away the dirt and the muck that stick to the flesh like leeches,” matud niini ug miingon nga daghan sa iyang mga kabinete, mga kaalyado ang iyang gitaktak sa pwesto tungod sa mga anomalya.
Dugang sab niini nga nailhan na niya ang tinoud nga kaaway.
“Honestly, I have identified the enemy who dumped us into this quagmire we are in. I have met the enemy face-to-face and sadly, the enemy is us. We are our own tormentors, we are our own demons; we are as rapacious predators preying on the helpless, the weak and the voiceless. We find corruption everywhere in government with every malefactor watching his cohort’s back in blatant disregard of his oath when he assumed public office,” dugang sa presidente.
Gimando niini ang mga mayor, gobernador o mga lokal nga opisyal nga kun adunay mga transaksyon sa katawhan dili na maabot og tulo ka adlaw ang proseso tungod kay daw dinhi magsugod ang korapsyon.
Gitawag sab niini ang atensyon sa mga dagkong ahensya sa gobyerno sama sa Philhealth, Pag-ibig, Land Transportation Office, Social Security System ug uban pa nga tarungon ang serbisyo tungod kay maoy sagad sa daghang reklamo nga iyang madawatan sa 8888 hotline.
Lakip sa nalakbitan niini ang pasalig nga mapatas-an ang suholan sa mga magtutudlo ug nurses; ang pagbalik sa death penalty ngadto sa mga nalambigit sa druga ug ingon man niadtong nalambigit sa kasong plunder; pagpasabot sa bangi tali sa nasod ug China sa West Philippine Seas; pagpasabot sa Coco Levy Fund; mandatory nga Reserve Officers’ Training Corps (ROTC) aron ang kabataan magbaton og dakong gugma sa nasud ug kahibalo nga daw dili malambigit sa ginadili nga druga.
Lakip sa iyang gibutyag nga himoan og departamento ang mga overseas Filipino workers, tukion ang magna carta for barangay nga ang eleksyon ipahigayon sa tuig 2020, lakip na niini ang modernisasyon sa Bureau of Fire Protection.