GITULIS sa usa ka wala mailhing lalaki ang usa ka hotel pasado alas 3:45 sa kaadlawon Martes, Hulyo 23, sa Corrales Street, Siyudad sa Cagayan de Oro.
Nadala sa tulisan ang P20 mil ug cellphone sa maong hotel.
Nagpakitabang sa kapulisan si Michelle (bansagon gitago), 27, taga Villanueva Misamis Oriental ug front desk sa hotel human sa pagpanulis.
Basi sa pamahayag ni Michelle nga nakatulog siya niadtong orasa dihang gipukaw siya sa lalaki ug mideklarar og tulis samtang nagbitbit kini og armas.
Tungod sa kahadlok, wala na nakalihok si Michelle ug nagpakiluoy na lang sa tulisan nga dili siya pasakitan tungod kay duna pa siyay anak.
Nakita pa niini nga nagbaklay lamang ang tulisan palayo sa maong hotel.
Makita usab sa closed-circuit television (CCTV) camera nga ang suspek nagtaptap sa iyang nawong gamit ang panyo ug nagkalo samtang nagsul-ob usab kini og tactical fatigue.
Aminado usab ang guwardiya nga nakatulog kini atol sa panghitabo.
Ang maong insidente ang natala na sa buhatan sa kapulisan alang sa follow-up operation.