Talk to Papa Joe: Paglikay sa ginadili

DEAR Papa Joe,

Tawga lang ko sa ngalan nga Ann, hingkod ug may duha ka mga anak na.

Buwag ko sa akong ka live in sa dugay na nga panahon. Angkunon nako nga gusto gyud ko makarelasyon og lalaki nga may panglantaw sa akong pagka ako nga usa ka single mom. Pero lisod nana mahitabo siguro sa akong edad nga lapas na sa kalendaryo.

Naa koy mga ka chat chat ug ka make love kay tawo baya ta. Hangtod nga nahimamat nako ni nga announcer sa radio. Dili lang nako ibutyag kon unsa nga radion station basta dili sa inyo. Minyo sad ni siya ug sige og pasanong nako nga love na daw ko niya kay wa niya makiti sa iyang asawa ang iyang nakita nako nga pag care. Hangtod nga nagkauyab mi ug naa nay nahitabo namo. Gusto ko moiwas pero nadutlan na man ko niya nga bahala nasayud ko nga kabit ra ko. Pero okay lang, maski iya ko giingnan nga no strings attach lang daw mi lately. Pero okay ra nako basta magkakita mi. Unsa may buhaton nako? Palihug tambagi ko.

ANN

Ann,

Mao nay giingon nga mapugngan pay baha nungka ang gugma. Pero ikaw nasayud ka nga ikaw ray maalaot anang sitwasyuna kay kasado siya. Wa kay gukod niya kay siya mismo niangkon nga minyo siya ug no strings attach na mo. Lain man sad kon puro nindot iyang isulti kabahin sa iyang wife. Gi condition lang niya daan imong mind para makuha niya iyang gusto. Basin di ra ikaw ra ang nadala niya ani, pwede ubay ubay.

Alaot ang dungog sa imong mga anak ana kon magkabukingay na hinuon, madamay ilang kinabuhi ana. Usahay sa gugma sakripisyo, sakripisyo sa paglikay sa ginadili.

PAPA JOE

(Sa inyong tampo ipadala sa papajoesuperb@gmail.com)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph