MOPAHIGAYON ang University of the Visayas (UV) Green Lancers ug Baby Lancers og Centennial Grand Alumni Homecoming karong Hulyo 27 sa UV Main Campus gym.
Giawhag ang tanang kanhi Baby Green Lancers ug Green Lancers sa pagtambong sa kalihukan nga adunay tema nga “A century of love and service to humanity through sports.”
Adunay ipahigayon nga friendship game sugod sa alas 2:00 sa hapon unya sugdan ang opisyal nga pagsaulog sa alas 6:00 sa gabii.
Sa programa, pasidunggan ang mga kanhi Baby Green Lancers ug Green Lancers nga nakaduwa sa Philippine Basketball Association (PBA) ug Philippine national squad.
Ang Baby Green Lancers ug Green Lancers mao ang dominanteng puwersa sa high school ug college divisions sa school-based basketball tournament sa Sugbo gikan pa kaniadto. (ESL)