SECTIONS
Monday, August 19, 2019
SUPERBALITA CEBU

Biktima sa bangga miasoy sa hitabo

SAMTANG nagsubay si John Dale Alivia, 39, sa General Maxilom avenue, Dakbayan sa Sugbo sakay sa iyang utility vehicle niadtong Sabado sa kaadlawon, Hulyo kalit lang nilagubo ang kilid sa iyang sakyanan.

Usa diay ka sports utility vehicle (SUV) ang nisaghid sa iyang sakyanan sa wa pa kini mobangga sa usa ka PUJ, nga nabungkag sa impact.

Usa pa ka motorsiklo nga dunay sakay nga duha ka mga tawo ang naangin human maigo sa PUJ. Ang driver sa PUJ ug iyang duha ka mga pasahero nangamatay.

Sukwahi sa taho nga nigawas ning mantalaan niadtong Hulyo 21, 2019, si Alivia, usa sa mga biktima sa bangga, di maoy nakabangga.

Ang nakabangga kanila mao si Angelo Rey Gurrea, 21, nagmaneho sa Toyota Fortuner.

Niadtong Lunes sa hapon, si Gurrea gipasakaan og kasong kalapasan sa RA 10586, kun Anti-Drunk and Drugged Driving Act of 2013 ug reckless imprudence resulting to multiple homicide with multiple serious physical injuries and damage to property sa Parian police.

Giingong hubog si Gurrea atol sa hitabo.

Matod ni Alivia nga ni-overtake kaniya si Gurrea hinungdan sa pagkasaghid sa SUV niini ngadto sa iyang sakyanan.

Human sa pagkasaghid, iyang nabantayan ang pagbangga niini ngadto sa PUJ.

Nagusbat ang PUJ sa kakusog sa impact sa pagbangga hinungdan sa kamatayon sa driver ug duha ka mga pasahero.

Laing tulo ka pasahero naa sa tambalanan nagpaalim.

Laing nangaangol ang duha ka mga tawo nga sakay sa motorsiklo nga naigo sa debris sa PUJ.

Sa pakighinabi sa Superbalita Cebu kang Police Chief Master Sergeant Antonio Jay Pizarras, iyang gikompirmar nga hubog si Gurrea samtang nagmaneho sa SUV. (Myla Tabio, CNU - Comm Intern)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph