SECTIONS
Sunday, August 25, 2019
SUPERBALITA CEBU

Misis ni Patiño nanalipod kaniya, mihulagway sa kaso nga butangbutang

GIDAKOP: Si manlalaban-brodkaster Juril Patiño gisikop sa National Bureau of Investigation (NBI) 7 sa kasong paglugos sa usa ka 13 anyos nga dalagita. Gihulagway kini sa iyang asawa nga usa ka pagbutangbutang. (Tampo)

HUMAN sa pagkasikop ni manlalaban-broadcaster Juril Patiño niadtong Lunes sa hapon, Hulyo 22, iyang asawa, Lilibeth Patiño nihangyo sa mga tawo nga di hukman ug kondenahon dayon ang iyang bana.

Sa iyang Facebook post, mga alas 8 sa buntag sa Hulyo 23, 2019, si Lilibeth niingon nga siya nagtuo nga ang iyang bana inosente ug biktima sa pagbutang butang sa krimen nga wa niya buhata.

“You do not know the story behind this fabricated case against him. I know he is innocent and falsely charged of a crime he could not commit. I know how good he is as a person. I can vouch for him,” matod sa tipik sa Facebook post ni Lilibeth.

Si Patiño gidakop sa National Bureau of Investigation (NBI) 7 agents niadtong Lunes sa hapon, Hulyo 22, 2019, samtang nagduso sa iyang pleadings sa Cebu City Hall of Justice.

Dul-an sa duha ka mga tuig na siyang gipangita sa NBI.

Giakusahan siya sa 13 anyos og rape niadtong Hulyo 13, 2017.

Nanghimakak si Patiño niini kay di siya morisgo sa iyang kadungganan sa paghimo sa gipasangil batok kaniya.

Matod ni Lilibeth nga ang nahitabo sa iyang bana maoy paagi sa Ginuo nga maputol na ang inhustisya.

“I know your support will give strength not only to Atty. Juril but also to his families relatives and friends in these dark moments,” siya niingon.

Si Manlalaban Tomas Enrile, NBI regional director, niingon nga si Patiño gidakop pinasikad sa arrest warrant nga giluwatan ni Judge Marlon Moneva sa Regional Trial Court (RTC) 7 Branch 20.

Matod ni Enrile nga human mauli sa korte ang warrant, ilang itugyan si Patino saBureau of Jail Management and Penology (BJMP). (WBS)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph