SECTIONS
Sunday, August 18, 2019
SUPERBALITA CEBU

Lariosa: Barangay workers malipayon

Puyra buyag

SA GIPAHIBAWO ni Gob. Gwen Garcia nga aduna na silay insurance coverage way katarungan nga di malipay ang mga brgy. Kapitan, kagawad, tesurero, secretaryo, tanod ug ubang workers.

Matod pa ni Garcia P120,000 ang coverage sa mga barangay kapitan, P76,000 ang mga kagawad ug P65,000 sa ubang barangay workers pinaagi sa Gov’t. Service Insurance System (GSIS).

Maayo ning kalambuan. Duna na silay mahikap panahon kon masakit sila. Di kay mapasagdan lang dayon katipok kay wa man tawoy kuwarta. Mga front-liner baya sila sa pangalagad sa katawhan.

Dugay na ning gihugon-hugon. Mora nig gahing hugaw nga nag-ung-ong nga wa gyud makagawas. Kanunayng paso ang ilang paghuwat. Nangamatayg nangapildi na lang ang uban karon pa ang katumanan.

Nahibaho ko sa pangalagad sa brgy. Kapitan kay ang akong amahan dugayng kagawad ug nakapitan sa Panadtaran, San Fernando, Cebu. Wa pa moabot si Nonoy Reluya, ang gibanhigang kapitan nga hangtod ron deadma ang kapulisan.

Akoy unofficial consultant sa akong amahan. Modalikyat siya nako sa mga butang nga di niya hisabtan.Kugihan siya. Iyang giugmad ug gitapos ang road network sa barangay nga maoy iyang kabilin.

Magsige to siyag hisgot og ilang insurance nga umaabot kuno. Kon wa ko masayop mid 80’s pa kadto. Hangtod nangalaya na lang ang ilang paglaom. Sige lang gihapon silag trabaho. Mga hilom nga bayani ang mga kapitan ug barangay workers.

Gamay ra ni nga kaayuhan kon ilang trabaho ang tan-awon. Labi na nga gigamit sila karon sa drug war. Ka risgo ug kakuyaw sa ilang kinabuhi sa kamot sa mga drug trader.

Apan naay mga tiwali, badlungon ug hiwi kay sa usa ka bulig nga lubi naa man gyuy buang. Sa pugaran naa man gyuy itlog binugok. Kini sila ang di angayng tunolan sa kaayuhan.

Nakigkumboya sa drug trade ug nangurakot pa. Naay mga tanod nga sige lag tangwayg tuba o lalag bino sa panahon sa ilang tingtrabaho. Sa pasangil nga sila nag-roving kuno. Misanay hinuon ang pangawat.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph