Editoryal: Focus ni Labella

Editorial Cartoon by John Gilbert Manantan
Editorial Cartoon by John Gilbert Manantan

GARBO sa dakbayan sa Sugbo nga si Mayor Edgar Labella napili nga national chairman sa League of Cities of the Philippines (LCP) atol sa 68th General Assembly ug Election of Board Members nga gipahigayon sa Edsa Shangri-La sa Manila sa miaging Biyernes, Hulyo 19.

Sa pikas bahin, ang kabalaka. Di kaha siya mawad-an og focus sa pagserbisyo sa dakbayan isip napiling mayor sa unang higayon? Seguradong mabahin ang iyang panahon sa paglihok sa duha ka posisyon nga parehong nagdemanda og focus.

Hinuon, si Labella nipadayag nga nasurprisa usab nga napili nga lider sa impluwensiyado nga grupo. Niangkon siya nga usa kini ka “pleasant surprise.” “I am just an ordinary who ran against a political royalty in the May 2013 elections,” matod ni Labella ngadto sa Philippine News Agency (PNA).

Ug sa maong sitwasyon, maklaro nga dunay gamhanang pwersa nga nagtuboy kaniya sa LCP. Nganong si Labella? Seguro taga Sugbo ang maong pwersa. Unsa kahay nagpaluyong rason o motibo? Dili ka ha modagan kini sa usa ka nasudnong posisyon? Hinuon, katungod kini kang bisan kisan.

Dili kita usab makakuwestiyon sa kapasidad ni Labella nga usa ka tinahod nga abogado ug taudtaod nga ang kasinatian sa pulitika. Naila nga maaong lider ug maayong tawo, kon dili lang mausab tungod sa paghupot sa mga gamhanang posisyon.

Ang atong nakalak-an nga unang higayon pa nga napiling mayor sa ikaduhang labing dakong dakbayan sa nasod. Daghang siya nga atimanon. Kinahanglan nga mogugol og igong panahon sa dakbayan.

Karon, ang LCP makig-ilog na sa iyang panahon ug presensiya. Taliwala ning tanan, aong pahalipayan ang bag-ong mayor nga napiling lider sa tanang mayor sa mga dakbayan sa nasod. Manghinaut kita nga prayoridad niya ug dunay focus alang sa katawhan ug dakbayan sa Sugbo.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph