SECTIONS
Sunday, August 18, 2019
SUPERBALITA DAVAO

Ang pagtagik sa istorya sa Super B

SA PANIGURO nga mas mapanindot gikan sa mga makalingaw ngadto na sa seryusong isyu sa komunidad nga mga headlines, ang tibuok editorial staff sa SunStar Davao Superbalita mipalawom sa mga pamaagi niini diha sa pagkuha sa istorya gikan niadtong pagkahimugso ning maong mantalaan, duha ka dekada na ang milabay hangtud ning kasamtangan.

Nanguna ang Superbalita newspaper di lang sa Davao Region lakip na sa Northern Mindanao pinaagi sa Superbalita Cagayan de Oro ug sa Central Visayas pinaagi sa Superbalita Cebu.

Gikan sa presinto sa kapulisan, padung sa mga buhatan sa gobyerno ug pribado, gikan sa istorya sa dagko ug gagmay nga tawo sa katilingban, giampingan ang matag anggulo sa istorya aron magpabilin ang iyang kamahinungdanon ug isensya nga maoy mahatud sa mga super suki nga tigpamasa.

Usa sa mga mitatak sa hunahuna sa katawhan sa Davao Region ang Superbalita newspaper, gumikan nahimo na kining kabahin sa matag adlaw nga tuyok sa kinabuhi sa matag Dabawenyo ug bisan sa mga Filipino abroad ug sa ubang kasiyudaran ning nasud pinaagi sa paglawig niini diha sa social media.

Kung hisgutan ang Superbalita, motatak dayon sa hunahuna sa tawo ang mga hugyaw nga balita, mga istorya nga gibulit sa makalingaw nga dagan sa panghitabo, gikan sa pagsaysay sa mga reklamante ngadto sa kwerpo sa kapulisan.

Taas ang mahimong proseso sa matag istorya una kini mapatik, labi na kung istorya kini nga pang-headline, moagi kini sa makuti nga beripikasyon gikan sa tinubdan, sa pag-analisar gikan sa mga reporter diha sa anggulo sa hitabo, diha sa pagtagik, sa pag-edit sa grammar sa Cebuano, dayon lalisan sa matag editor, reporter, ug bisan sa manager ug supervisor kung unsa ang mamahimo nga banner story pagka-ugma.

Dili lang mga balita ang moagi sa makuti nga proseso, lakip na ang matag seksyon niini, gikan sa kalingawan, sa mga tips news, balitang nasyunal, balitang internasyunal, sa paugnat sa kusog lakip na ang mga istorya sa indibiduwal nga mipaambit og inspirasyon sa uban pinaagi sa Saludo Kami nga seksyon niini.

Sa padayong paglawig ning maong mantalaan gikan sa tuig 1999 padung sa mga katuigan sa digital, maningkamot ang kompanya sa SunStar Davao Publishing Inc., labi na ang tibuok editorial staff sa Superbalita nga mahatud diha sa katawhan ang makalingaw ug lab-as nga mga istorya nga gibulit sa kamatuoran gikan sa panghitabo sa katilingban.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph