SUPERBALITA CEBU

Barrita: Legislative agenda ni Presidente Duterte

Tipik sa Balaod

GIBUTYAG ni Presidente Rodrigo Duterte ang iyang legislative agenda, sa mga balaod nga gusto niyang ipasar sa Kongreso, atol sa iyang ikaupat nga State of the Nation Address (Sona) nga nilanat og usa ka oras ug 33 minutos niadtong Lunes, Hulyo 22.

Naglakip kini sa pagpabalik sa silot sa kamatayon sa mga kaso nga naglambigit sa illegal nga drugas ug plunder nunot sa pagpadayon sa gubat kontra druga ug kurapsyon. Ang silot sa kamatayon gipahamtang ilabi na sa krimen nga treason sukad niadtong kolonya pa ang Pilipinas sa Espanya.

Gani, lakip sa na-execute pinaagi sa firing squad ang nasudnong hero nga si Dr. Jose P. Rizal. Gi-execute pinaagi sa garrote ang tulo ka mga Pilipinong pari nga sila si Mariano Gomez, José Burgos ug Jacinto Zamora. Pabilin nga gipatuman ang silot sa kamatayon sa dihang nahimo ang Pilipinas nga kolonya sa Estados Unidos ug sa dihang nahimo kitang gawasnon sa 1946 hangtod sa 1986.

Ang 1987 nagdili sa death penalty apan nagtugot sa Kongreso sa pagpahamtang niini alang a mga heinous crimes, sa mga linuog nga krimen. Busa, gipasar sa Kongreso ang Republic Act 7659 niadtong 1993 nga nagpabalik sa death penalty alang sa mga heinous crimes.

Ang execution pinaagi sa electric chair. Apan gihimo kining lethal injection ubos sa Republic Act 8177 nga gipasar sa 1996. Hingpit nga gidili ang silot sa kamatayon sa dihang gipasar sa Kongreso ang Republic Act 9346 niadtong 2006.

Nalakip sa legislative agenda ni Presidente Duterte ang pagpasar og mga balaod nga magmugna sa usa ka Department of Disaster Resilience nga maoy moatiman sa disaster ug climate change resilience plans and programs, Department of Water Resources ug Water Regulatory Commission ug Department of Overseas Filipino Workers (OFWs).

Apil sa legislative agenda sa pangulo mao ang pagpabalik sa mandatroy nga ROTC alang sa mga estudyante sa Grade 11 ug Grade 12, pagmugna sa usa ka National Academy for Sports alang sa mga estudyante sa high school, pag-oktaba sa barangay ug SK elections gikan sa Mayo 2020 ngadto sa Oktubre 2022.

Giawhag usab niya ang Kongreso sa pagpasar og mga balaod sa pagbutang og dugang mga Malasakit centers, Trabaho bill, National Defense Act, Uniformed Separation and Retirement Pension Bill ug bag-ong Salary Standardization Law (SSL) sa pag-umento sa suweldo sa mga kawani sa gobyerno lakip na sa mga magtutudlo ug mga nurses sa mga public hospitals.

Lain pang mga balaod nga gusto niyang ipasar sa Kongreso mao ang Magna Carta for Barangays ug libreng legal assistance alang sa mga sakop sa kapulisan ug kasundalohan nga nag-atubang og mga kasong kriminal. - edbarrita@gmail.com


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph