SUPERBALITA CEBU

Marcelo Fernan bridge nakapalambo sa Mactan

NATAMPO: Ang pagtukod sa Marcelo Fernan Bridge gitumbok nga maoy dako og natampo sa paglambo sa Dakbayan sa Lapu-Lapu. (File)

NASAKSIHAN ni Kongresista Paz Radaza sa lone congressional district of Lapu-Lapu, nga midoble ang paglambo sa Dakbayan sa Lapu-Lapu gikan sa panarbaho, turismo, infrastructure ilabi na ang ekonomiya human gibuksan ang Marcelo Fernan Bridge, 20 ka tuig ang milabay.

Naghatag ang tulay og kasayon sa publiko nga makalabang sa Lapu-Lapu ug mainland Cebu kay nahimong duha na ang taytayan.

Samtang si Lapu-Lapu City Councilor Efren Herrera, kanhi kongresista sa 6th District niadtong higayona, di malimot sa pagsulbong sa ekonomiya sa dakbayan sa dihang nidaghan ang locators sa export processing zone.

Niresulta sab kini sa pagturok sa dugang export processing zone, gawas sa unang Mactan Export Processing Zone (MEPZ)1 sa barangay Pusok.

Napuno ang Tamiya Philippines Inc. kun MEPZ2 ug ang Cebu Light Industrial Park o MEPZ3 nga pulos nahimutang sa Barangay Basak.

Matod pa ni Herrera nga misulbong sab ang katukoran sa mga hotel and resort sa coastal barangays sa silangang bahin sa Lapu-Lapu habig sa Hilutungan Channel.

Diin liboan ka mga kawani o empleyado di lang gikan sa Lapu-Lapu, apil na sa ubang bahin sa lalawigan sa Sugbo, ang nakatrabaho sa economic zones ug gibuksang mga establisemento.

Si Radaza niingon nga dako og kausaban ang nahimo sa ikaduhang taytayan.

“The bridge has linked everyone and everything to limitless opportunities, buut if I am to identify one, I can say that generally the constituents benefited from the bridge the most. Aside from the convenience it provides them, they spectate the dramatic transformation the City experienced since the bridge was constructed,” tipik sa statement ni Radaza nga gipadala sa Superbalita Cebu.

Dugang pa ni Herrera nga human sa 20 ka tuig nga milabay, angay na sab nga mapu-an ang tulay gumikan sa pagsugwak sa mga tawo nga mosulod-gawas sa Lapu-Lapu nga niresulta sa grabeng kahuot sa dagan sa trapiko.

Niadtong Agusto 3, 1999, gibuksan ang “extradosed cable-stayed” bridge nga gipangalan ngadto sa Sugboanong kanhi chief justice Marcelo Fernan nga gitukod aron kalugakan sa trapiko ang karaang Mactan-Mandaue Bridge.

Ang katukoran sa second bridge atol sa pamunoan ni kanhi Presidente Joseph Estrada, atol sa termino ni kanhi Lapu-Lapu City Mayor Ernest Weigel Jr. (FVQ)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph