USA ka tindero og barbeque ang gipusil-patay sa wa pa mailhing suspetsado sa Sitio Pool, Barangay Bangkal, Dakbayan sa Lapu-Lapu Huwebes sa udto, Hulyo 25, 2019.
Nagbantay sa baligya nga barbeque si Richard Malingin Inot, 30, taga Sitio Pool, Barangay Bankal, Dakbayan sa Lapu-Lapu.
Mihunong sa iyang tungod ang duha ka mamumuno nga nagtaptap sa ilang dagway nga nagmotorsiklo, ang ankas niini nanaog sa pagtuo nga mopalit og paniudto.
Apan buto buto sa armas ang milanog sa maong dapit pasado alas 11:46 sa buntag ug nahagba na si Inot.
Wa pa matino kon unsay motibo sa pagpamusil.
Base sa inisyal nga pakisusi sa mga pulis, ex-convict si Inot nga nabilanggo sa New Bilibid Prison sa Muntinlupa sa kasong murder. (Superbalita Cebu)