ANG Cebu Safari and Adventure Park mohimog talagsaong natad sa fun run sa dihang ilang ipahigayon ang Safari Fun Run 2019 karong Septiyembre 15 didto sa lungsod sa Carmen, amihanang bahin sa Sugbo.
Talagsaon tungod kay ang rota niini anha lang maglibot-libot sulod sa ilang nataran.
“This is different from other runs. Expect it to be scenic and of course, engaging with nature,” matod ni Steve Maniquis, the chairman of CornerStone Group, atol sa press conference kagahapon sa Hola España sa One Paseo.
Ang lumba pagasalmotan sa mga hardcore runners ug mga tradisyonal nga mga partisipante nga gibahin ngadto sa upat ka kategoriya.
Ang mga regular trail runners mosalmot sa 21-kilometer ug 12-K categories samtang ang fun runners mahimong makaapil sa 5-k ug 3-k run.
“The 5K and 3K run will be within the concrete roads inside the zoo, while the 12K and 21K categories will cover (muddy) terrains outside,” dugang ni Eduard Loop, ang VP ug COO sa Cebu Safari & Adventure Park.
Gipasabot ni Loop nga gilimitahan lang nila og 1,000 ka mga entrante sa maong lumba.
Ang champion sa 21K category modaog og P10,000 cash prize, P7,000 a;amg sa second place ug P3,000 sa third place, samtang ang top three sa 12-k makadawat og P2,000, P1,000 and P500 nga kantidad sa gift certificate. Ang 5K ug 3k usa lang ka fun run. HInuon aduay mga raffle diin ang premyo nagagikan sa mga sponsors.
Ang registration fee mokantidad og P1,800 sa 21K, P1,300 sa 12k, P1,000 alang sa 5K ug P800 alang sa 3K lakip na ang bayad sa parking. (RSC, JBM)