ANG Davao City milangkat sa ikatulo nilang sunod nga overall championship sa pagtapos sa 2019 National Muay Thai Mindanao Leg nga gihimo sa Robinson’s Place sa Butuan City ning bag-o lang.
Mga Dabawenyos miharus sa 10 ka gold medals, upat ka silvers ug duha ka bronse sa annual meet, suma ni Muay Thai Association of the Philippines (NSA) vice president for Mindanao ug Davao City Chapter president Nell Jone Astudillo pinaagi sa Facebook.
Dugang niya nga ang siyudad nanguna sab sa 2017 edition sa Tagum City ug niadtong 2018 sa Cagayan de Oro City.
Si Hero Marco Manguray (jr male 16-17 95 kgs), Niko Angelo Manguray (jr male 14-15 60 kgs), Bryan Paolo Rimondo (junior male 14-15 51 kgs), John Paolo Galvan (Nabayra), Isolde Aiofe Hernani (jr boys 10-11 40 kgs), Sophia Alva Bravo (jr female 14-15, 63.5 kgs), Alan Tano (jr male 16-17 51 kgs), Altancheco Tano (sr male 45 kgs), Maria Gwyneth Caritan (jr female 14-15 57 kgs) ug Norjean Sucaldito (sr female 54 kgs) mipauli og gold human gipildi ang tagsa-tagsa nila ka kaatbang.
Ang silver naangkon sab nila Gabriela Josefa L. Bravo, Earl Pantaleon V. Serdon, Jeanne Bornea ug Zigfred Claude Manila samtang si Rolly Dagandang ugJoe Guingone miatsa og bronse.
Si King’s Sword Muaythai Davao’s Hernani gihatagan sa Muaythai Rising Star Award.