SUBAY sa 2019 Linggo ng Kabataan, makalingaw nga aktibidad ang gilusad sa lokal nga panggamhanan sa Monkayo, Compostela Valley Province.
Ilawom sa liderato ni Mayor Ramil Lao Gentugaya uban ang Municipal Youth Development Council ug SK Municipal Federation, kapartner ang Barangay Local Government Unit sa Poblacion ug SK Poblacion, gipasundayag ang “Hugyaw Monkayo.”
Parte niini ang “Monkayo Dance Battle” karong Agosto 16 nga masaksihan sa Monkayo Dome.
Ang mga organizers nanawagan og partisipante, sud ug gawas sa Monkayo.
Sa mechanics, matag grupo moperform og dance number nga 3-5 minutos ang gitas-on.
Suma pa unsa mang performance nga mas ubos sa gi-require nga minimum time o mas taas sa maximum may lima ka puntos nga deduction.
Matag grupo angay nga may minimum sa 10 ka miyembro ug maximum sa 20.
Ang miyembro sa grupo mamahimong langkuban sa pulos babaye, o lalaki, pwede sab kombinasyon.
Ang dance number ubanan sa bisan unsang musika nga moderno ug sadya.
Ang paggamit og pyrotechnic gadgets, smoke or combustible material isip props ang wa tuguti.
Mga partisipante hukman sa mosunod: Choreography (Creativity, Artistry, Style & Originality) 45%; Execution (Timing & Coordination, Projection & Expression) 30%; Costume 15%; Audience Impact 10% uban ang total nga 100%.
Dugang pa nga ang desisyon sa board of judges “final and irrevocable.”
Ang premyo sa mananaug, 1st Prize - P10,000; 2nd prize - P7,000; 3rd prize - P5,000; ug consolation prize - P1,000.
Salaon ang tanang buot mosalmot, diin 10 lang ang mogiling sa final round.
Ang pinal nga listahan sa mga entrante ipaguwa 72 ka oras human ang deadline sa pagsumiter og entries, Agosto 2, 2019.
Mga interesadong grupo mopadala sa listahan sa ilang miyembro, address, ug contact number/s sa info@monkayo.gov.ph o 09566786266-Tonet Crizaldo.