USA ka lalaki ang napalgang patay nga gitaptapan ang nawong ug gihigot sa poste sa kuryente sa Sitio Bogo, Barangay Kampo 4, Dakbayan sa Talisay Biyernes, Hulyo 26, 2019.
Nakurat na lang ang mga residente sa maong lugar nga nakit-an nila ang makapalimbawot nga hitsura sa lalaki.
Aduna'y samad pinusilan ang biktima nga gisab-itan og karton nga aduna'y sulat nga "Undang na lage mo ug dili gane kamo na isunod. Tulisan, Drug pusher og killer, drug lords."
Misusi ang kapulisan karon kon aduna ba'y nakakita sa paghihot sa biktima sa poste sa kuryente.
Sa pagsuwat ning balita, wala pa gihapon mailhi ang biktima. (Superbalita Cebu)
[Kini nga balita nag-update pa. Mamahimong i-refresh ang page o mag-log-on sa www.sunstar.com.ph alang sa lab-as nga mga balita]