MAGTAGBO karong hapon ang kanhi ug kasamtangang mga magduduwa sa University of the Visayas (UV) Green Lancers ug Baby Green Lancers alang sa ilang Centennial Grand Alumni Homecoming sa UV Main Campus gym.
Ning maong kalihukan, hatagan og rekognasyon ang mga magduduwa nga nakahatag og dakong garbo sa tunghaan sama na lang nila ni Manny Paner, Elmer “Boy” Cabahug ug Al Solis.
Dili na seguro maihap ang mga magduduwa nga gikan sa Green Lancers nga nakahimo’g dagkong pangalan sa Philippine Basketball Association (PBA) ug nahimong sakop sa Philippine team.
Ang programa, nga adunay tema nga “A century of love and service to humanity through sports,” sugdan pinaagi sa rehistrasyon sa ala 1:00 sa hapon.
Mosunod niini ang duha ka exhibition games sa dili pa ipahigayon ang opisyal nga programa.
Mohatag og mensahe ang tag-iya sa team nga si Talisay City Mayor Gerald Anthony “Samsam” Gullas. (ESL)