TINGKAGOL na sa kapulisan sa Kapalong Municipal Police Station ang usa ka amahan kinsa mitago sa Davao del Norte human alegasyong milugos sa kaugalingong anak sa Danao, Tagbilaran City, Bohol.
Subay sa report gikan sa Police Regional Office (PRO)-Davao, nasikop ang suspek nga mao si Nardo (bansagon gitago), 48-anyos, kinsa nasikop pinaagi sa joint operation sa Kapalong Municipal Police Station ug Danao Municipal Police Station sa Tagbilaran City.
Nasikop ang suspek gumikan sa warrant of arrest sa kasong Incestuous Rape sa alegasyong paglugos sa iyang anak.
Giisyu ang iyang warrant of arrest didto sa 7th Regional Trial Court Branch 52, sa Talibon, Bohol diin walay piyansa nga girekomenda niini sa korte.
Sumala ni Police Brigadier General Marcelo Morales ang director sa PRO-11 nga walay luna sa Davao Region kung ngari motago ang mga wanted persons.
“Ginagawa po namin ito for everyone to be safe and secured at siniguro namin na walang puwang dito sa Davao Region ang mga nagtatago sa batas. Sa mga kriminal, mali po ang napili ninyong pagtaguan, huwag dito sa Davao. Mahuhuli at mahuhuli din nami kayo, pinapanigurado ko,” (Jeepy P. Compio)