Daclan: Gerald ug Julia uyab gyud kaha?

UNSA kahay tinood aning kontrobersiya karon nilang Gerald Anderson ug Julia Barretto?

Trending kaayo sila sa tanang social media, sila pirme ang gisumsoman og maayo sa mga tabi-tabi.

Nuntan pa sa mga talinghagang mga post usab nilang Bea Alonzo ug Joshua Garcia, samot midaghan ang mga espekulasyon sa giingong relasyong Gerald ug Julia.

Apan bisan pa aning tanan hugot nga gipanghimakak sa inahan ni Julia nga si Marjorie Barretto, nga may relasyon ang iyang dalaga ngadto kang Gerald.

Pero nganong padayon man gihapon ang mga tsika bahin nilang Gerald ug Julia?

Humana ang ilang pelikula ug nasalida na kini mao nga di gyud mahitabong gimik lang.

Nabalitaan na nato nga managhigala na lang silang Julia ug Joshua Garcia, ug tungod niini daghan ang gianugnan sa ilang relasyon.

Unsa gyud kaha ang tinood nga rason sa ilang panagbuwag? Si Gerald kaha?

Kon nagbuwag na sad si Gerald ug Bea, si Julia kaha ang hinungdan? Ato ra n’ya ning mahibaw-an, ay’g saba!

Si Dennis Trillo balik-Star Cinema na usab alang sa horror film diin makauban niya si Beauty Gonzales. Malipayon ang Kapuso star kay makauban usab niya silang Raymond Bagatsing ug Alyssa Muhlach.

Ang “A family ghost story” ang titulo sa pelikula nilang Dennis Trillo ug Beauty Gonzales sa direksyon ni Bobby Bonifacio Jr., ay’g saba!

Showing na gyud ang “Hello Love Goodbye” nilang Kathryn Bernardo ug Alden Richards sa

July 31. Makauban nila silang Maymay Entrata, Joross Gamboa, Jameson Blake ug Cacai Bautista sa direksyon ni Cathy Garcia-Molina. Mokita kaha ni? Ay’g saba!