SUGOD Hulyo 27, ang regional arm sa GMA Network — GMA Regional TV — magbukas na sab og laing milestone sa broadcast history, diin ang local newscasts nila mas makaabot sa mas halapad nga sumusunod via “GMA Regional TV Weekend News” nga i-ere sa GMA News TV matag Sabado sa alas singko sa hapon.
Gikan sa Luzon, Visayas, ug Mindanao, laumi ang GMA Regional TV Weekend News sa pagbitbit sa mga nag-unang balita ug istorya nga di lamang impormasyon, apan makadasig sab nga ihatud sa mga news personalities gikan sa Balitang Amianan, Balitang Bisdak, One Western Visayas, ug One Mindanao.
Matag semana magkambyuhay sila sa paghatud sa balita.
Sa pilot airing, Hulyo 27, sila Cecille Quibod-Castro, Alan Domingo, ug Lou Anne Mae Rondina sa RTV flagship local newscast sa Central ug Eastern Visayas Balitang Bisdak maoy news anchors sa GMA Regional TV Weekend News.
Mosunod sab sila CJ Torida, Jasmin Gabriel-Galban, ug Joanne Ponsoy sa Balitang Amianan pagka-Sabado.
Sila Sedfrey Cabaluna, Adrian Prietos, ug Kaitlene Rivilla sa Hiligaynon newscast, One Western Visayas, mohatag sa weekend updates ngadto sa mga Kapuso viewers nationwide.
Uban sab sila Tek Ocampo, Sarah Hilomen-Velasco, ug Real Sorroche sa One Mindanao nga mokumpleto sa GMA Regional TV Weekend News.
“GMA Regional TV Weekend becomes the only English newscast of the Kapuso Network to date. It will feature comprehensive and in-depth delivery of news and information in the regions that only GMA Network — widely regarded as the most respected and internationally-awarded Philippine broadcast network — can deliver,” sigun ni GMA Regional TV vice president and head Oliver Amoroso.
“Staying true to our battle cry: ‘local news matters’, GMA Regional TV makes it possible for more viewers to know what is happening around the regions via GMA Regional TV Weekend News,” matud ni Amoroso.