Heartline: Nangabit

Heartline: Nangabit

DEAR Heartline,

Ako si Risa taga Bucana, 30 na akong edad.

Akong problema bahin sa akong bana nga nangabit.

Nasakpan nako siya. Sakit kaayo sa akong side kay sexy kaayo ang girl.

Naglagot ko sa akong sarili kay pasagdan nako sila wala koy gibuhat nga aksiyon.

Dili man gud ko gusto maguba akong pamilya. Unsa akong buhaton?

Dili ko gusto makita akong bana basin unsa pay mabuhat nako niya.

Nangayo siya og pasaylo, naglibog ko, unsa akong himuon!

Risa

Hi Risa,

Ang pagluib usa gyud na sa pinakasakit nga pagbati gikan sa usa ka tawong tinuoray nga nagmahal, apan gipasakitan lang.

Tuod man tawo lang kita,the least we can do is forgive.

Apan tungod sa pain, dili sab ingon ana kadali ang pagpasaylo.

Usahay it took years, usahay pa gani ang uban gidala na sa ilang lubnganan ang dumot kay lagi nasakitan pag-ayo.

Apan, una ta moabot sa punto nga kaunon ka sa tumang kayugot, sutaa sa daw sa imong kaugalingon, diha sa inyong kaminyuon kung nganong nakahimo sa pagpangabit ang imong bana.

Kung kuntento ang imong bana sa imong ginahatag nga atensiyon, pagmahal ug uban pa, di kini molingi sa ubang babaye.

Basin sab og nagpasagad kana sa imong self, wa naka mag-atiman mao nga dili naka nindot tan-awon sa mata sa imong bana, rason nga nangita siya og laing vitamins of the eye.

Karon kay nahitabo naman kana, then save yourself gikan sa kumunoy sa kalagot.

Tindog, barog ug ipadayon ang imong kinabuhi.

Di nimo buot maguba ang inyong pamilya? Apan naguba na kini sa higayon nga nagluib ang imong bana.

Ipokus ang imong panahon sa inyong anak, sa imong kaugalingon.

Pagpagwapa day, ayaw pa-losyang, apan pa-ores sa kerida ni mister.

Ipakita kang mister nga di siya kawalan, ug let him nga magbasol sa iyang gihimo.

Nangayo siya og pasaylo? Make sure nga sincere kini, ma-feel mo man kana.

Patilawa og tagam. Usahay buotan ra kaayo ning ubang asawa mao nga samot binuangan sa bana/partner.

Heartline

Related Stories

No stories found.
SunStar Publishing Inc.
www.sunstar.com.ph